+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qytaıda sý tasqynynan qaza tapqandar sany 302 adamǵa jetti

2021 jylǵy 2 tamyz 18:53
Bólisińiz:
Qytaıda sý tasqynynan qaza tapqandar sany 302 adamǵa jetti

HENANЬ. Sınhýa-QazAqparat – Qytaıdyń ortalyǵynda ornalasqan Henan provıntsııasynda nóser jańbyr jáne sý tasqyny saldarynan qaza tapqandar sany 302 adamǵa jetti. Bul týraly dúısenbi kúni brıfıngide jergilikti úkimet ókili málim etti, dep habarlaıdy QazAqparat Sınhýa agenttigine silteme jasap.

50 adamnyń habar-osharsyz ketkeni aıtyldy.

Provıntsııanyń ákimshilik ortalyǵy Chjenchjoý qalasynda jaýǵan nóser jańbyr men sý tasqyny saldarynan rastalǵan qurbandar sany 292 boldy.

Taǵy 47 adam habar-osharsyz ketken dep sanalady. Sınsıan qalasynda jeti adam qaza tapqan, taǵy úsheýi habar-osharsyz ketken.

Pındınshan qalasynda bir adam mert bolǵan jáne eki adam habar-osharsyz ketken.

Qytaılyq áleýmettik jeli qoldanýshylary Chjenchjoýdaǵy metrodan túsirilgen vıdeony bólisip jatyr.

Onda jolaýshylardyń laıly sýǵa beline deıin, qala kóshelerindegi kólikterdiń sýǵa batqany kórsetilgen.

Chjenchjoýda nóser jańbyr men sý tasqyny qazirdiń ózinde 45000 gektar alqaptaǵy egistikke zııan keltirgen.

Kelgen shyǵyn somasy 65 jarym mıllıard ıýan (10 mıllıard AQSh dollarynan astam) dep baǵalanyp otyr.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT