+7 (701) 759 90 19
USD 376.43 EUR 407.11
RUB 5.76 CNY 53.55
Jańalyqtar

Qytaıda pnevmonııanyń jańa túri órship barady

2020 jylǵy 19 qańtar 11:04
Bólisińiz:
Qytaıda pnevmonııanyń jańa túri órship barady

BEIJІŃ. QazAqparat - Qytaı dárigerleri Ýhan ( Qytaıdyń Hýbeı ólkesi) qalasynda koronavırýstyń jańa túri qozdyrǵan ókpe qabynýy aýrýynyń adamdarǵa juǵýynyń 17 jańa deregin tirkedi. Bul jaıynda QazAqparattyń Qytaıdaǵy arnaýly tilshisi jergilikti densaýlyq saqtaý organdaryna silteme jasap habarlady.

Uqsas jańalyqtar
Aqtaý áýejaıynda koronavırýsqa qarsy oqý-jattyǵý ótti Ońtústik Koreıada koronavırýstan tórtinshi adam qaıtys boldy Italııada koronavırýstan alǵashqy adam qaıtys boldy

Aýrý juqtyrǵandardyń jalpy sany 62 adamǵa jetip otyr. Olardyń ishinde 7 adamnyń jaǵdaıy óte aýyr bolsa, 19 patsıent qazirgi ýaqytta medıtsınalyq mekemeden emdelip shyqty. Statsıonarlyq em qabyldap jatqan adamdardyń jaǵdaıy turaqty. Dárigerler aýrý juqtyrǵandarmen baılanysta bolǵan 763 adamdy oqshaýlaǵan. Degenmen olardyń basym bóligi úılerine jiberilgenimen áli de 82 adam karantınde jatyr.

Osy ýaqytqa deıin koronavırýstyń jańa túrinen eki adam qaza tapty. Ýhan qalasynyń mýnıtsıpaldyq bıliginiń derekterine qaraǵanda, indettiń jappaı taralýyna jol bermeý maqsatynda osy jyldyń 14 qańtarynan bastap áýejaılarda, temir jol jáne avtobýs beketterinde, jolaýshylar termınaldarynda ınfraqyzyl jylýǵa den qoıǵysh apparattyń 35 jıyntyǵy ornatylǵan. Qalalyq qoǵamdyq kólikterdi jedel zararsyzdandyrý jáne jeldetý sharalary qolǵa alynǵan.

Eske salaıyq, Qytaı bıligi 31 jeltoqsanda Ýhan qalasynda pnevmonııanyń beımálim túrine kem degende 27 adamnyń shaldyqqanyn, sonyń ishinde jeteýi aýyr halde jatqanyn habarlaǵan bolatyn. Aýrý juqtyrǵandardyń basym bóligi qaladaǵy teńiz ónimderi satylatyn bazarǵa barǵan: qazirgi ýaqytta bazar jabyldy. 9 qańtarda zerthanalyq zertteýler kórsetkendeı, bul aýrýdyń órshýine jańa tıptegi koronavırýs yqpal etken.


Foto: AP/Eugene Hoshiko

Bizdiń kanalymyzǵa jazylyńyz:

Basty sózder: Qytaı, Medıtsına, Oqıǵa,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT