+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qytaıda oqıtyn Qazaqstannyń stýdentterine demalys merzimin uzartý pysyqtalýda

2020 jylǵy 28 qańtar 12:49
Bólisińiz:
Qytaıda oqıtyn Qazaqstannyń stýdentterine demalys merzimin uzartý pysyqtalýda

NUR-SULTAN. QazAqparat – QR Bilim jáne ǵylym vıtse-mınıstri Mıras Dáýlenov Qytaıdaǵy joǵary oqý oryndarynda oqyp júrgen Qazaqstannyń stýdentterine demalys merzimin uzartý sharalary pysyqtalyp jatqanyn aıtty, dep habarlaıdy QazAqparat tilshisi.

«Qazirgi kezde Qytaıda 11 myń 700-ge jýyq (Qazaqstannan) stýdent bilim alýda. Olardyń kóbisi búginde Qazaqstan aýmaǵynda. Naqty Ýhan týraly aıtatyn bolsaq, bul qalada 400 stýdent oqyp júr. Sonyń ishinde 98-i sol qalada, ıaǵnı olar oqý ornynyń kampýsynda. Bul nysan qalanyń ortalyǵynan birshama alshaqtaý jerde. Bilim jáne ǵylym mınıstrligi olarmen turaqty baılanysta. Kún saıyn stýdenttermen baılanysqa shyǵyp turamyz», - dedi M. Dáýlenov Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda.

Onyń sózine qaraǵanda, keıbir stýdentter elge oralatyndaryn aıtqan. Osy oraıda dıplomatııalyq arnalar boıynsha Qytaı úkimetine qazaqstandyq stýdentterdi shyǵarý boıynsha hat joldandy.

«Ázirge, QHR tarapy eshbir memleketke mundaı kelisimdi bermedi. Vedomstvoaralyq top jergilikti áýe kompanııasymen tıisti bortty usyný máselesin pysyqtady. Densaýlyq saqtaý mınıstrligimen qajetti sharalar atqarylýda. Atap aıtqanda, búginde Qazaqstan aýmaǵyndaǵy stýdentterdiń Qytaıdaǵy joǵary oqý oryndaryndaǵy demalys merzimin uzartý sharalaryn qarastyrýdamyz. Sebebi bizdiń stýdentter Qytaıǵa bara almaı otyr, al bul elde oqý oryndarynyń jumysy jalǵasýda. Osy oraıda oqý úlgerimine qatysty akademııalyq máseleler týyndamas úshin QHR-daǵy áriptestermen kelissózder júrýde», - dep túsindirdi vıtse-mınıstr.

Budan buryn habarlanǵandaı, qazirgi ýaqytta Premer-Mınıstr tapsyrmasymen elimizde vedomstvolyq komıssııa quryldy.

Jaqynda onyń otyrysy ótti. Búginde stýdentterdi evakýatsııalaý máselesi pysyqtalýda.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT