+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Qytaıda koronavırýstyń órshýi: Asqar Mamın birqatar tapsyrma júktedi

2020 jylǵy 26 qańtar 15:07
Bólisińiz:
Qytaıda koronavırýstyń órshýi: Asqar Mamın birqatar tapsyrma júktedi

NUR-SULTAN. QazAqparat - QR Premer-Mınıstri Asqar Mamın Qazaqstan aýmaǵynda koronavırýstyń taraýyna jol bermeý jáne onyń aldyn alý sharalary jóninde keńes ótkizdi. Onyń nátıjesi boıynsha Úkimet basshysynyń orynbasary Berdibek Saparbaevtyń tóraǵalyǵymen vedomstvoaralyq komıssııa quryldy, dep habarlaıdy QazAqparat.

Uqsas jańalyqtar
Endi Qytaıdan kelgenderdiń bári 14 kún karantınde bolady - Bekshın Ýhannan jetkizilgen qazaqstandyq stýdent karantın qalaı júrgizilgenin aıtyp berdi Diamond Princess laınerindegi qazaqstandyqtardyń jaǵdaıy qalaı

Densaýlyq saqtaý mınıstri Eljan Birtanov, ındýstrııa jáne ınfraqurylymdyq damý mınıstri Beıbit Atamqulov, mádenıet jáne sport mınıstri Aqtoty Raıymqulova, syrtqy ister mınıstriniń birinshi orynbasary Shahrat Nuryshev, Qazaqstannyń bas sanıtarlyq dárigeri Jandarbek Bekshın, QR Ulttyq qaýipsizdik komıtetiniń Shekara qyzmetiniń dırektory Darhan Dilmanov, sondaı-aq Almaty jáne Shyǵys Qazaqstan oblystarynyń basshylyǵy qalyptasyp otyrǵan ahýal men olarǵa áreket etý sharalary týraly baıandady.

«QR Prezıdenti Qasym-Jomart Toqaev Qytaıdan Qazaqstan aýmaǵyna koronavırýstyń taralýyna jol bermeý boıynsha sheshýshi uıymdastyrý sharalaryn qabyldaýdy tapsyrdy», — dedi A. Mamın.

Keńes qorytyndysy boıynsha Úkimet basshysy kelesi keshendi aldyn alý sharalaryn qabyldaýdy tapsyrdy:

1. Memlekettik shekaradan ótkizý beketterinde, onyń ishinde áýe, avtokólik jáne temirjol kóligi nysandarynda sanıtarlyq-epıdemıologııalyq jáne kóshi-qon baqylaýyn kúsheıtý;

2. QHR-dan kelgen barlyq adamdarǵa turǵylyqty mekenjaıy boıynsha medıtsınalyq baqylaý ornatý;

3. Epıdemıologııalyq ahýal nasharlaǵan jaǵdaıda halyqqa qajetti kómek kórsetetin medıtsınalyq uıymdardyń daıyndyǵyn qamtamasyz etý;

4. Qytaıǵa qyzmettik is-saparlardy shekteý, sondaı-aq jeke ister men týrıstik maqsattarda barmaýǵa keńes berý;

5. QHR-dan keletin tranzıttik jolaýshylarǵa QR aýmaǵyna 72 saǵattyq vızasyz kelý rejımin ýaqytsha toqtatý;

6. «Qorǵas» ShYHO qazaqstandyq bóliginiń jumysyn ýaqytsha toqtatý;

7. QHR aýmaǵyndaǵy qazaqstandyq azamattarmen olarǵa konsýldyq jáne ózge de kómek kórsetý maqsatynda jumysty jandandyrý;

8. Memlekettik organdar koronavırýstyq ınfektsııanyń taralýyn boldyrmaý jónindegi is-qımyldy úılestirý maqsatynda QHR jáne basqa da múddeli elderdiń tıisti memlekettik qurylymdarymen qajetti ózara is-qımyldy uıymdastyrýy tıis;

9. Qajet bolǵan jaǵdaıda QHR Ýhan qalasynda júrgen Qazaqstan stýdentteri men QR basqa da azamattaryn shuǵyl evakýatsııalaýdy qamtamasyz etý;

10. Premer-Mınıstrdiń orynbasary B. Saparbaevtyń tóraǵalyq etýimen vedomstvoaralyq komıssııa qurý, oǵan Qazaqstanda koronavırýstyń taralýyna jol bermeý jónindegi is-qımyl josparyn ázirleý tapsyryldy.

Eske salaıyq, búgin QR Prezıdenti Qasym-Jomart Toqaev Qytaıdan Qazaqstan aýmaǵyna koronavırýstyń taralýyna jol bermeý boıynsha naqty uıymdastyrý sharalaryn qabyldaýdy tapsyrǵan bolatyn.

Qazir Qytaıda pnevmonııalyq ınfektsııanyń jańa túri tarap jatyr. Syrqatqa shaldyqqan jáne kóz jumǵandar sany kún sanap artyp keledi. Alǵashqy naýqastar tirkelgen kúnderi (15 qańtar) esepke 41 adam alynǵan bolatyn.

Sońǵy málimetter boıynsha, Qytaıda jańa koronavırýsty juqtyrǵandar 1326-ǵa jetip, ólimmen 41 oqıǵa aıaqtaldy.

Pnevmonııanyń bul túri Taıland, Eýropa elderi men AQSh-ta tirkelip otyr.

Qazaqstan koronavırýsty zerthanalyq jaǵdaıda anyqtaýǵa múmkindik beretin praımerlerdi satyp alýdy bastady.

QR Densaýlyq saqtaý mınıstrligi elimizde ınfektsııa tirkelmegenin resmı málim etti.

QR Syrtqy ister mınıstrliginiń aqparatynsha, karantınge jabylǵan Qytaıdyń Ýhan qalasynda búginde Qazaqstannan 230 stýdent oqıdy. Olardyń 98-i ǵana qalada qalyp otyr. Qalǵandary demalystyń bastalýyna baılanysty Qazaqstanǵa jáne basqa da elderge ketip qalǵan.

Elimiz óńirlerindegi barlyq áýejaılarda profılaktıkalyq sharalar jáne oqý-jattyǵý jumystary júrgizilýde.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT