+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Qytaıda koronavırýs juqtyrý azaıyp jatyr – Álemdik baspasózge sholý

2020 jylǵy 23 aqpan 13:25
Bólisińiz:
Qytaıda koronavırýs juqtyrý azaıyp jatyr – Álemdik baspasózge sholý

NUR-SULTAN. QazAqparat - «QazAqparat» HAA ádettegideı nazarlaryńyzǵa álemdik baspasózge sholýyn usynady.

Uqsas jańalyqtar
Aqmola oblysyndaǵy naýqastar koronavırýsty qaıdan juqtyrdy Qazaqstanda koronavırýspen kúreske qansha qarjy baǵyttaldy Jumystan shyǵyp qalǵan azamattar 6 aılyq áleýmettik tólemdi qalaı alady

Kofe paıdaly ma? - The New York Times


Kofeni súıetin adamdar qatary kún sanap artýda. Degenmen, ony belgili bir mólsherden asyrsa, adam ashýly bolyp qana qoımaı, densaýlyǵy da keri ketedi, dep jazady The New York Times.

Basylymnyń jazýynsha, kofeni kúnine 3-5 kese ishý kerek. Bul shamamen kofeınniń 400 mıllıgramyn quraıdy. Bul jaǵdaıda kofe adamdarǵa paıdaly.

«Ǵalymdar zertteý nátıjesinde kofe ólim qaýpin azaıtatynyn anyqtady», - deıdi ulttyq rak ınstıtýtynyń ǵylymı qyzmetkeri Erıkka Loftfıld.

Onyń aıtýynsha, jaqynda kofe belgili bir mólsherde durys tamaqtanýdyń elementi retinde tanylǵan.

«2017 jylǵy úlken zertteý nátıjesinde de Brıtan medıtsına jýrnalynda jarııalanǵan baıandamada kofe kóp jaǵdaıda paıdaly ekenin kórsetken. Buǵan deıin júrgizilgen 200-den astam zertteýlerdi saralaǵan avtorlar kofe júrek qantamyr aýrýlary, ınsýlt pen erte ólim qaýpin azaıtatynyn anyqtady», dep jazady avtor.

Onyń aıtýynsha, kofeniń júkti áıelderge qalaı áser etetini belgisiz.

Degenmen, Amerıka medıtsına assotsıatsııasy júrgizgen zertteýge jarty mıllıonǵa jýyq adam qatysyp, olardyń arasynda bir nemese segiz kese kofe ishkenderdiń densaýlyǵynyń arasynda eshqandaı aıyrmashylyq tappaǵan.

Bir apta fast-fýd jeý este saqtaý qabiletine keri áser etedi - Daily Mail


«Bir apta fast-fýdpen tamaqtaný mıdyń birneshe bóligin zaqymdaıdy. Ǵalymdardyń zertteýine qatysqandar kognıtıvti testte nashar nátıje kórsetken. Bul gıppokamp dep atalatyn mı bóligine zaqym kelgenin dáleldeıdi», - dep jazady Daily Mail.

Basylymnyń jazýynsha, gıppokamp adam toıǵan kezde, tamaq ishýdi doǵarýyna jaýap beredi. Sonymen qatar mıdyń bul bóligi este saqtaý qabiletine de áser etedi.

«Zertetýshilerdiń aıtýynsha, mıdyń bul bóligi zaqymdansa, adam aldyna kelgen tamaqtan bas tarta almaıtyn bolady. Bul zertteý adamdardyń qarny ash bolmasa da, ne sebepti tamaq ishetinderine qatysty suraqqa jaýap beredi», dep jazady basylym.

Avtordyń aıtýynsha, zertteýge 110 stýdent qatysqan. Olardyń jartysy fast-fýd jese, qalǵandary maıy az tamaq tutynǵan. Zertteý týraly baıandama Open Science jýrnalynda jarııalanǵan.

Erejesiz álemde ómir súre alamyz ba ? - VVS


Adamdardyń kóbi erejesiz ómir súrgisi keledi. Erejesi joq ómirdi armandaıdy. Ásirese, jol erejesi ǵana emes, úı alý nemese otbasyn qurý sekildi sharttylyqtar da sharshatyp jatady, dep jazady VVS.

«Bizge bul erejeler kerek pe? Biz nege olardy ustaný kerekpiz?», dep jazady avtor.

Onyń aıtýynsha, jazylǵan jáne jazylmaǵan ereje ómir tájirıbesine aınalǵan. Kópshilik ereje adamnyń táýelsizdigin shektep, «ereje buzylý úshin jasalǵan» dep jatady.

«Aldymen erejesiz ómirdi elestetip kórińizshi. Tipti, oıymdy jetkizetin tildik erejelersiz ómirimiz qandaı bolar edi? Til erejesiniń buzylýy meni tilsiz qaldyrady. Ereje sportta da, oıyndarda da bar. Mysaly, erejesi bolmasa, shahmat shahmat bolmas edi», - dep jazady avtor.

Onyń aıtýynsha, jol erejeleri men aınalaǵa qoqys tastamaý týraly ereje qoǵamdaǵy garmonııany qamtamasyz etedi.

«2009 jyly Nobel syılyǵyn alǵan Saıası ekonomıst Elınor Ostrdyń aıtýynsha, ereje ujymdyq sıpattan týyndaıdy. ıAǵnı, ereje áleýmettik jáne ekonomıkalyq qarym-qatynastan týyndaıdy», dep jazady avtor.

Onyń aıtýynsha, áleýmettanýshylar erejeni ustaný áleýmettik jáne ekonomıkalyq ómirdiń negizi ekenin aıtady.

Qytaıdyń 21 aýdanynda bir táýlikte bir de bir koronavırýs jaǵdaıy anyqtalmady - The Diplomat


Qytaıda Hýbeı provıntsııasynan basqa jerlerde koronavırýs juqtyrǵandardyń sany azaıyp jatyr. Ótken táýlikte Hýbeıden basqa jerlerde tek 18 jańa fakti tirkelse, QHR-diń 21 aýdany koronavırýs tirkelmegenin málimdedi, dep jazady The Diplomat.

Densaýlyq saqtaý komıtetiniń málimetinshe, 22 aqpanda tirkelgen 648 jaǵdaıdyń 630-y Hýbeı provıntsııasynda anyqtalǵan.

«30 qańtardan bastap birneshe aýdanda koronavırýs tirkelmedi. Alǵashqylardyń biri bolyp Tıbet avtonomdy aýdany koronavırýstyń jańa faktisi tirkelmegenin málimdedi. Odan keıin Tsınhaı provıntsııasynda 17 kún boıy osyndaı jaǵdaı saqtalyp tur. Sońǵy táýlikte 21 aýdanda koronavırýstyń jańa faktisi tirkelmegen», - dep jazady basylym.


Bizdiń kanalymyzǵa jazylyńyz:

Basty sózder: Álem, Qoǵam, Koronavırýs,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT