+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Qytaıda qazaqstandyq ǵalymnyń kitaby jaryqqa shyqty

2019 jylǵy 22 tamyz 11:01
Bólisińiz:
Qytaıda qazaqstandyq ǵalymnyń kitaby jaryqqa shyqty

NUR-SULTAN. QazAqparat - Álemdegi eń iri Bejiń halyqaralyq kitap kórmesinde ál-Farabı atyndaǵy QazUÝ rektory, akademık Ǵalym Mutanovtyń «Ekonomıkalyq josparlaý, basqarý jáne bıýdjetteýdiń matematıkalyq ádisteri men modelderi» atty kitabynyń qytaı tilinde tusaý keseri ótti.

Uqsas jańalyqtar
Cemeılik oqýshylar obyrdy emdeý salasyn zerttep, avtorlyq quqyq aldy Aqmolada bilim basqarmasy alqasynyń keńeıtilgen otyrysy ótti Almatyda Nazarbaev Zııatkerlik mektebi Qamqorshylyq keńesiniń otyrysy ótti

Monografııa Jenmın ýnıversıtetindegi QHR-diń jetekshi baspasynda jaryq kórdi.

Bul sharaǵa QKP OK-niń nasıhattaý bóliminiń vıtse-mınıstri Tszıan Tszıango, Jenmın ýnıversıtetiniń rektory Lıý Veı, QHR-daǵy QR Elshiliginiń birinshi hatshysy Qalamqas Dúzbaeva, QazUÝ rektory Ǵalym Mutanov, belgili ǵalymdar men mamandar qatysty.

«Biz professor Ǵalym Mutanovty Qazaqstannyń jetekshi joǵary oqý ornynyń basshysy retinde ǵana emes, álemge tanymal iri ǵalym retinde de bilemiz. Búgin tanystyrylyp otyrǵan onyń ǵylymı eńbegi birneshe tilde basylyp, halyqaralyq deńgeıde joǵary baǵa alǵan. Endi bul kitap qytaı tilinde jaryq kórip otyr. Onyń zertteýiniń ózektiligi, ınnovatsııalyq tásili jáne kóp qyrlylyǵy ǵylymı qoǵamdastyq úshin ǵana emes, sonymen qatar Qytaıdyń praktıkteri men basshylary úshin de sózsiz úlken qyzyǵýshylyq týdyrady», – dep atap ótti Jenmın ýnıversıtetiniń rektory Lıý Veı.

Qazaqstandyq ǵalymǵa ǵylymı jetistikteriniń tanylýynyń belgisi retinde sertıfıkat tabystaldy.

Aıta ketý kerek, bul monografııa ekonomıka salasyndaǵy Nobel syılyǵynyń laýreaty Djon Neshtiń joǵary baǵasyna ıe bolǵan, ol zertteý nátıjelerin Nobel syılyǵynyń taǵy eki laýreaty Krıstofer Sıms pen Garold Kýnnyń jumystarymen salystyrǵan. Buǵan deıin ol álemdegi eń iri «Springer Nature» baspasynda jaryq kórip, eń kóp suranysqa ıe kitaptar qataryna kirgen. Ony elektrondy túrde 15 myńǵa jýyq paıdalanýshy júktegen, bul eń úzdik kórsetkishterdiń biri. Sonymen qatar, Ǵ. Mutanovtyń ǵylymı eńbegi Web of Science Core Collection jetekshi ǵylymı jarııalanymdarynyń bedeldi halyqaralyq bazasyna engizildi.

1986 jyldan beri ótkizilip kele jatqan Beıjiń halyqaralyq kitap kórmesi búginde baspa jáne polıgrafııalyq ındýstrııa salasyndaǵy jetekshi platformaǵa aınaldy. Bıyl onyń jumysyna álemniń 100 elinen 2,5 myńnan astam eksponent qatysýda.

Kórmede ál-Farabı atyndaǵy QazUÝ-dyń «Qazaq ýnıversıteti» baspa úıi tarapynan nazarǵa usynylǵan ýnıversıtet ǵalymdarynyń 300-den asa ǵylymı eńbekteri kópshiliktiń úlken qyzyǵýshylyǵyn týdyrdy.

Bizdiń kanalymyzǵa jazylyńyz:

Basty sózder: Bilim, Ǵylym,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT