+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qytaıda bir dáriniń koronavırýsqa qarsy áseri tıimdi ekeni aıtyldy - Sheteldegi qazaqtildi BAQ-qa sholý

2020 jylǵy 22 naýryz 11:14
Bólisińiz:
Qytaıda bir dáriniń koronavırýsqa qarsy áseri tıimdi ekeni aıtyldy - Sheteldegi qazaqtildi BAQ-qa sholý

NUR-SULTAN. QazAqparat- «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Karantın: Almatyda kardıologııalyq ortalyq qyzmeti qalaı jumys isteýde Qyzylorda oblysynda karantın shekteýiniń áserinen koronavırýs dınamıkasy turaqtalyp keledi AQSh-tyń bas ınfektsıonısi koronavırýsqa qarsy reseılik vaktsınanyń qaýipsiz ekenine kúmándandy

Iranda resmı ýaqyt bir saǵatqa alǵa jyljytyldy - «Fars» aqparat agenttigi

«Osy aptanyń senbi kúni Iranda ýaqyt bir saǵatqa alǵa jyljytyldy» dep habarlaıdyRarstoday. Atalǵan BAQ-tyń deregine súıensek, Irannyń Islam Keńesi Májilisi bekitken «Irannyń resmı saǵatyn ózgertý» zańyna sáıkes jyl saıyn 21 naýryzda eldiń resmı ýaqyty bir saǵatqa alǵa jyljytylady. Bul zań kóktem men jazǵy aılarda kúnniń jaryǵyn kóbirek paıdalanyp, elektr qýatyn únemdeý maqsatymen qabyldanǵan bolatyn. Hıdjrı-shamsı kúntizbesi boıynsha jazdyń sońǵy kúni — 21 qyrkúıekte saǵat burynǵy qalpyna oralady.

Úıde nan pisirý erekshe kóńil-kúı men qýanysh ákelýde - «Fars» aqparat agenttigi

Koronavırýstyń taralýy men oǵan baılanysty gıgıenalyq máseleler keıbir otbasylardyń nandy úılerinde pisirýine sebep boldy, dep habarlaıdy «Rarstoday» aqparat agenttigi.

Irandyq aqparat kóziniń dereginshe, nandy úıde pisirýge otbasynyń barlyq músheleri qatysatyndyqtan bul jumys adamdarǵa erekshe kóńil-kúı men qýanysh ákeledi eken. Aıta keterligi, Irannyń Densaýlyq saqtaý mınıstrligi 17 naýryzǵa deıin elde vırýs juqtyrǵan 5389 adam saýyǵyp, aýrýhanadan shyǵarylǵanyn málimdedi. Iran Densaýlyq saqtaý mınıstrliginiń baspasóz ókili Kıanýsh Jahanpýr seısenbi kúni tilshilerge bergen suhbatynda, elde 16169 adamnyń koronavırýsqa shaldyqqanyn aıtyp, ókinishke qaraı, osy kúnge deıin 988 adam vırýs saldarynan kóz jumǵanyn aıtqan.

Qazaq Elshisi Mońǵolııadaǵy qandastardy naýryz merekesimen quttyqtady - Kaznews

Qazaqstannyń Mońǵolııadaǵy tótenshe jáne ókiletti Elshisi Jalǵas Ádilbaev qandastardy naýryz merekesimen quttyqtady, dep habarlaıdy monǵolııalyq Kaznews aqparttyq portaly.

«Naýryz – kún men túnniń teńeletin, jer arqasy keńip, kúlli tirshilik álemi qaıta túleıtin tabıǵat meıramy. Ulystyń uly kúni – «Qyzyr túnin» kútip, jaqsylyq qut-bereke tilep, erteńgi kúnge zor úmitpen qaraıtyn senim merekesi. Nur kóktemmen qatar kelgen ulyq merekede ár shańyraqqa jaqsylyq, óskeleń urpaqqa amandyq tileı otyra qandastarymyzdyń birligi máńgi, yntymaqtastyǵymyz jemisti bolsyn degimiz keledi. Barshańyzdy kóktemniń shýaqty da shyraıly merekesimen quttyqtaı otyryp, Naýryz meıramy jaqsy ister men ıgi bastamalardyń bastaýy bolýyna tilektespin! Ulys baqty bolsyn, tórt túlik aqty bolsyn, qurmetti qandastar!» dep quttyqtady dep jazady mońǵolııalyq BAQ.

Qytaıda bir dáriniń koronavırýsqa qarsy paıdasy aıtyldy - TRT

Qytaıdaǵy klınıkalyq synaqtar «Favipiravir» atty bir dáriniń koronavırýstyń jańa túrine qarsy emdeýde yqpaldy ekenin kórsetti, dep habarlaıdy Túrkııa Radıo Televızııa portaly.

Atalǵan BAQ-tyń málimetine súıensek, Qytaıdyń CGTN arnasynyń habaryna qaraǵanda, Qytaı Ulttyq bıotehnologııa zertteý ortalyǵynyń tóraǵasy Gang baspasóz brıfınginde, Shenzen qalasynda koronavırýs juǵyp aýyrǵan 80 kisige klınıkalyq synaq júrgizilgenin málimdegen. Gang synaqta «Favipiravir» atty dáriniń jeńil naýqastar úshin saýyǵyp ketý merzimin 11 kúnnen 4 kúnge azaıtqanyn aıtqan.

Ol Ýhan qalasynda júrgizilgen basqa bir klınıkalyq synaqta dáriniń joǵary temperatýrany 4,2 kúnnen 2,5 kúnge azaıtqanyn anyqtaǵandaryn, Gang dáriniń mańyzdy janama áseri baıqalmaǵanyn da qosa aıtty. Gangtyń aıtýynsha, Favipiravir dárisi 2014 jyldan beri Japonııa naryǵynda bar eken. Avigan nemese Favilavir dep te atalatyn dári naýqastarǵa qoldanyldy. Alaıda jańa tıptegi koronavırýs epıdemııasy búkil álemge áser etýde. Em úshin dári jetildirý jumystary da bar qarqynymen jalǵasýda.

«Dúnıejúzilik Densaýlyq saqtaý uıymynan koronavırýstan emdeý taqyrybynda bir eskertý keldi. Aýrýdyń belgileri bar adamdardyń dárigermen keńespeı ibuprofen ishpeýi kerektigi aıtyldy. Onyń ornyna aýyrǵanǵa jáne joǵary temperatýraǵa paratsetamol túrindegi dárini ishý keńesi berildi» dep jazady Túrkııa Radıo Televızııa portaly.

İbuprofen-men bir toptaǵy dáriler koronavırýspen kúreste aýrýdy asqyndyryp jiberedi dep aıtyldy. Vırýstan emdeýde áli rastalǵan naqty vaktsına nemese dári joq.

Bekbolat Buǵybaıuly Baıan-Ólgeıde ýnıversıtet fılıalyn ashýǵa ınvestıtsııa tartty - Kaznews

Bekbolat Buǵybaıuly 2013-2016 oqý jyldary Qobda ýnıversıtetiniń Baıan-Ólgıı aımaǵyndaǵy fılıalyn basqarǵan. Ol sol ýaqytta veıtsarııalyq Anıta Farnımen birlesip, aımaqtaǵy fılıalǵa jataqhana salýǵa bastama kótergen. Halyqaralyq yntymaqtastyqtaǵy joǵary dárejedegi belsendiligi arqyly qazirgi ýaqytta Give2Asia halyqaralyq uıymynan jıyntyǵy 130 000 AQSh dollaryn quraıtyn ınvestıtsııa tartqan. Bul týraly osy apatadaKaznews aqparttyq portalynda habarlandy.

Atalǵan BAQ Bekbolat Buǵybaıulynan osy týraly alǵan eksklıýzıvti suhbatyn jarııalaǵan bolatyn. Bekbolat Buǵybaıuly suhbatynda 2015 jyly aımaq ákimi qyzmetin atqarǵan Q. Dármen arqyly Mońǵolııanyń Syrtqy ister mınıstrliginen Give2Asia halyqaralyq uıymymen yntymaqtastyq týraly kelisim shart jasaýǵa resmı ruqsat alyp, qarajat bólgizý jumysyn bastaǵanyn aıtady. «Mine búgin ıgi istiń nátıjesine qol jetkizgenimizge qýanyshtymyz. Atalmysh halyqaralyq uıym arqyly shetelden jalpy 130 000 AQSh dollaryna ınvestıtsııa tartylyp, onyń $93,000-y fılıaldyń esep shotyna kelip tústi. Qalǵany aldaǵy ýaqytta túsetin bolady. Bul ýnıversıtettiń aımaǵymyzdaǵy fılıaly úshin bir qýanyshty jaǵdaı boldy. Aldaǵy ýaqytta da aımaǵymyzdyń jalǵyz joǵarǵy oqý ornynyń órkendep damýyna qolymnan kelgenshe kómek jasaýǵa daıynmyn», - deıdi Bekbolat Buǵybaıuly.

Qytaı endi qaýipti indetti shetelden alyp kelýshilermen kúresýde - Qytaıdyń «Ortalyq halyq radıosy» (CNR)

Qytaı eli osyǵan deıin óz elderinde qatty órship ketken indetti kúshti karantınde ustaýdyń arqasynda aýyzdyqtaǵan bolatyn. Endi olardy shetelden keletin otandastary alańdata bastady.

19 naýryz kúni bir táýlikte Qytaıda jańadan 39 adamnan koronavırýs ınfektsııasy anyqtalǵan, sondaı-aq el boıynsha 3 adam qaza bolǵan (Hýbeıde 2 adam, Lııaýnıńda 1 adam).

Sol kúni búkil elde jańadan saýyǵyp aýrýhanadan shyqqan 730 adam, juqtyrǵandarmen tyǵyz aralasqandar ishinen medıtsınalyq baqylaýy kúshinen qaldyrylǵany 1197 adam bolsa, aýyr naýqastyń sany 178 adamǵa azaıdy.

«20 naýryzǵa deıin, búkil Qytaı eli boıynsha dıagnozy turaqtanǵan 6569 adam (munyń ishinde aýyr naýqas 2136 adam), jalpy saýyǵyp aýrýhanadan shyqqan 71 150 adam, al qaza bolǵandar sany 3248-ge jetken. Jalpy aýrý juqtyrýshylarmen tyǵyz aralasý deregi tabylǵan 684 331 adam. Al medıtsınalyq baqylaýǵa alynǵan adam sany 8 989-ǵa jetken», — dep jazady CNR aqparttyq portaly.

«19 naýryzǵa deıin shetelden Qytaıǵa kelgender arasynan Covid-19 koronavırýsyn juqtyryp kelgen azamattar sany 228 adamǵa jetken. Endi qyraǵylyqty arttyrý kerek» dep túıindeıdi Qytaıdyń «Ortalyq halyq radıosy».


Bizdiń kanalymyzǵa jazylyńyz:

Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT