Qytaıda aptap ystyqtyń saldarynan qaýiptiń eń joǵary deńgeıi jarııalandy
2022 jylǵy 13 tamyz 11:08

Qytaıda aptap ystyqtyń saldarynan qaýiptiń eń joǵary deńgeıi jarııalandy

BEIJІŃ. QazAqparat – Qytaı memlekettik meteorologııalyq ortalyǵy QHR-dyń birqatar aımaǵynda aptap ystyq saldarynan aýa temperatýrasy qaýpiniń eń joǵary qyzyl deńgeıi jarııalandy, dep habarlaıdy QazAqparat tilshisi.

Sınoptıkterdiń boljamynsha, senbi, 13 tamyzda QHR-dyń 15-ten astam provıntsııasynda avtonomııalyq aýdandary men ortalyq baǵynyshty qalalarynda (Shanhaı, Chýntsın qalalary) asa joǵary aýa temperatýrasynyń áserinen qaýiptiń qyzyl deńgeıi jarııalandy.

Vedomstvo Shensı, Sychýan, Hýbeı, Hýnan, Tszıansı, Anhoı, Tszıansý, Chjetszıan provıntsııalarynda, sondaı-aq Shanhaı jáne Chýntsın sııaqty iri megapolısterde temperatýra 40 gradýstan asatynyn atap ótti.

Osy jazda Shanhaıda ekstremaldy aýa temperatýrasy alty ret 40 gradýstan joǵary boldy, bul – bir jyldaǵy tarıhı maksımým kórsetkish.

Aptap ystyq ıAntszy ózeniniń basseıninde bir aıdan astam ýaqytqa sozylady. Ol jergilikti turǵyndardyń fızıkalyq jaı-kúıine teris áser etip qana qoımaıdy, sonymen qatar Qytaıdyń ortalyq, ońtústik-batys jáne shyǵys aımaqtaryn qatty qurǵaqshylyqqa ákeledi.

Beısenbiden bastap Qytaı bıligi eldiń birqatar provıntsııasyndaǵy qurǵaqshylyqqa baılanysty tótenshe áreket etý tetigin iske qosty. Óz kezeginde Qytaı gıdrologtary ıAntszy ózenindegi sýdyń tómen deńgeıin tirkep otyr.

Foto: caenet.s3.amazonaws.com





Seriktester jańalyqtary

Jańalyqtar

Úrdis

MURAǴAT