+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Qytaı vırýsy: QR Úkimeti «Qorǵas» shekaramańy ortalyǵyn ýaqytsha japty

2020 jylǵy 26 qańtar 15:44
Bólisińiz:
Qytaı vırýsy: QR Úkimeti «Qorǵas» shekaramańy ortalyǵyn ýaqytsha japty

NUR-SULTAN. QazAqparat – Qytaıda koronavırýstyń jańa túriniń órshýine baılanysty qazaq-qytaı shekarasyndaǵy «Qorǵas» Shekaramańy yntymaqtastyǵy halyqaralyq ortalyǵynyń jumysy ýaqytsha toqtatyldy, dep habarlaıdy QazAqparat.

Uqsas jańalyqtar
Eljan Birtanov dárigerlerge alǵys aıtty Otandyq sportshylardy koronavırýstan saqtandyrý úshin ahýaldyq shtab quryldy Asqar Mamın: Álemdik saýda protsesterin tejeýshi basty faktordyń biri – koronavırýs bolyp tur

QR Premer-Mınıstri Asqar Mamın Qazaqstan aýmaǵynda koronavırýstyń taraýyna jol bermeý jáne onyń aldyn alý sharalary jóninde keńes ótkizgenin buǵan deıin jazǵan bolatynbyz.

Úkimet basshysy keńes qorytyndysy boıynsha birqatar keshendi aldyn alý sharalaryn qabyldaýdy júktedi. Sonyń ishinde «Qorǵas» ShYHO-nyń qazaqstandyq bóliginiń jumysyn ýaqytsha toqtatý tapsyrmasy bar.

Sondaı-aq kelesideı sharalar qolǵa alynady:

1. Memlekettik shekaradan ótkizý beketterinde, onyń ishinde áýe, avtokólik jáne temirjol kóligi nysandarynda sanıtarlyq-epıdemıologııalyq jáne kóshi-qon baqylaýyn kúsheıtý;

2. QHR-dan kelgen barlyq adamdarǵa turǵylyqty mekenjaıy boıynsha medıtsınalyq baqylaý ornatý;

3. Epıdemıologııalyq ahýal nasharlaǵan jaǵdaıda halyqqa qajetti kómek kórsetetin medıtsınalyq uıymdardyń daıyndyǵyn qamtamasyz etý;

4. Qytaıǵa qyzmettik is-saparlardy shekteý, sondaı-aq jeke ister men týrıstik maqsattarda barmaýǵa keńes berý;

5. QHR-dan keletin tranzıttik jolaýshylarǵa QR aýmaǵyna 72 saǵattyq vızasyz kelý rejımin ýaqytsha toqtatý;

6. QHR aýmaǵyndaǵy qazaqstandyq azamattarmen olarǵa konsýldyq jáne ózge de kómek kórsetý maqsatynda jumysty jandandyrý;

7. Memlekettik organdar koronavırýstyq ınfektsııanyń taralýyn boldyrmaý jónindegi is-qımyldy úılestirý maqsatynda QHR jáne basqa da múddeli elderdiń tıisti memlekettik qurylymdarymen qajetti ózara is-qımyldy uıymdastyrýy tıis;

8. Qajet bolǵan jaǵdaıda QHR Ýhan qalasynda júrgen Qazaqstan stýdentteri men QR basqa da azamattaryn shuǵyl evakýatsııalaýdy qamtamasyz etý;

9. Premer-Mınıstrdiń orynbasary B. Saparbaevtyń tóraǵalyq etýimen vedomstvoaralyq komıssııa qurý, oǵan Qazaqstanda koronavırýstyń taralýyna jol bermeý jónindegi is-qımyl josparyn ázirleý tapsyryldy.

QR Premer-Mınıstrine qalyptasqan ahýal jáne olarǵa áreket etý sharalary jóninde Densaýlyq saqtaý mınıstri Eljan Birtanov, ındýstrııa jáne ınfraqurylymdyq damý mınıstri Beıbit Atamqulov, mádenıet jáne sport mınıstri Aqtoty Raıymqulova, syrtqy ister mınıstriniń birinshi orynbasary Sh. Nuryshev, Qazaqstannyń bas sanıtarlyq dárigeri Jandarbek Bekshın, QR Ulttyq qaýipsizdik komıtetiniń Shekara qyzmetiniń dırektory D. Dilmanov, sondaı-aq Almaty jáne Shyǵys Qazaqstan oblystarynyń basshylyǵy baıandady.

Eske salaıyq, búgin QR Prezıdenti Qasym-Jomart Toqaev Qytaıdan Qazaqstan aýmaǵyna koronavırýstyń taralýyna jol bermeý boıynsha naqty uıymdastyrý sharalaryn qabyldaýdy tapsyrǵan bolatyn.

Qazir Qytaıda pnevmonııalyq ınfektsııanyń jańa túri tarap jatyr. Syrqatqa shaldyqqan jáne kóz jumǵandar sany kún sanap artyp keledi. Alǵashqy naýqastar tirkelgen kúnderi (15 qańtar) esepke 41 adam alynǵan bolatyn.

Sońǵy málimetter boıynsha, Qytaıda jańa koronavırýsty juqtyrǵandar 1326-ǵa jetip, ólimmen 41 oqıǵa aıaqtaldy.

Pnevmonııanyń bul túri Taıland, Eýropa elderi men AQSh-ta tirkelip otyr.

Qazaqstan koronavırýsty zerthanalyq jaǵdaıda anyqtaýǵa múmkindik beretin praımerlerdi satyp alýdy bastady.

QR Densaýlyq saqtaý mınıstrligi elimizde ınfektsııa tirkelmegenin resmı málim etti.

QR Syrtqy ister mınıstrliginiń aqparatynsha, karantınge jabylǵan Qytaıdyń Ýhan qalasynda búginde Qazaqstannan 230 stýdent oqıdy. Olardyń 98-i ǵana qalada qalyp otyr. Qalǵandary demalystyń bastalýyna baılanysty Qazaqstanǵa jáne basqa da elderge ketip qalǵan.

Elimiz óńirlerindegi barlyq áýejaılarda profılaktıkalyq sharalar jáne oqý-jattyǵý jumystary júrgizilýde.


Bizdiń kanalymyzǵa jazylyńyz:

Basty sózder: Qytaı, QR Úkimeti, Koronavırýs,
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT