Qytaı megapolısterinde qoǵamdyq kólikte COVID-19 testisin tekserý talaby alynyp tastaldy

2022 jylǵy 4 jeltoqsan, 19:26
Qytaı megapolısterinde qoǵamdyq kólikte COVID-19 testisin tekserý talaby alynyp tastaldy

BEIJІŃ. QazAqparat – Qytaıdaǵy 10 iri megapolıstiń bıligi qoǵamdyq kólikterge miný úshin COVID-19 testilerin tekserý talabynyń alynyp tastalǵanyn jarııalady, dep habarlaıdy QazAqparat menshikti tilshisi.

5 jeltoqsannan bastap Beıjiń bıligi qoǵamdyq kólikti paıdalaný kezinde koronavırýs testilerin tekserý talabynan bas tartýǵa sheshim qabyldady. Jolaýshylar tasymaly saıasatyn túzetken megapolısterdiń arasynda Chendý, Tıantszın, Dalıan, Shıtszıachjýan jáne Shenchjen qalalary bar.

Sońǵy kúnderi Qytaıdyń ońtústigindegi Gýanchjoý qalasynda kovıdtik shekteýler jeńildegen. Onda qoǵamdyq oryndarǵa kirý úshin COVID-19 testilerin kórsetý talaptary joıylǵan, saýda ortalyqtary men tamaqtaný oryndarynyń jumysy qaıta jandanǵan, koronavırýs juqtyrǵandarmen jaqyn baılanysta bolǵandar úshin shartty túrde úı karantınine ruqsat etilgen.

Qytaı astanasynyń turǵyndaryna sońǵy 48 saǵat ishinde jasalǵan teris nátıjesi bar koronavırýs testisin kórsetpesten, qoǵamdyq kólikpen júrýge ruqsat etiledi, al aýrýhanalardyń PTR testisi joq naýqastardy emdeýden bas tartýyna tyıym salyndy.

QHR Densaýlyq saqtaý isteri jónindegi memlekettik komıtetiniń málimetinshe, ótken táýlikte materıktik Qytaıda koronavırýs juqtyrýdyń 31,8 myń jańa jaǵdaıy anyqtalǵan.


Uqsas jańalyqtar
Tegı:
Seriktester jańalyqtary

Jańalyqtar