+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Qytaı elindegi qobyz jasaýdyń has sheberi - Saırash Jarmuhametuly - Sheteldegi qazaq tildi BAQ-qa sholý

2021 jylǵy 24 qańtar 12:31
Bólisińiz:
Qytaı elindegi qobyz jasaýdyń has sheberi - Saırash Jarmuhametuly - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.


Memlekettik Materıaldyq emes mádenı muranyń murageri Saırash Jarmuhametuly - «Aǵajaı-Altaı» saıty

Qazaq ultynyń sazdy, muńdy kóne mýzyka aspaby qobyzdyń bozingen bolyp bozdap, qara jer bolyp kúńirenetin, tabıǵattyń óz únin, dala daýsyn aınytpaı salatyn ereksheligi, ony halyqtyń qadir tutatyn murasyna aınaldyrǵan, dep jazady kazakh.altxw.com saıty.


«Ór-Altaıdaǵy Shińgil aýdanynda atadan balaǵa mura bolyp jalǵasyp kele jatqan kóne qobyz aspaby keń taralǵan. Qobyz - qaıyń, arsha sııaqty aǵashtardyń tutas bóliginen shaýyp jasalady. Bas, keýde, aıaq degen úsh bólikten turady. Tómengi bólik terimen qaptalady. Eki ishegi jylqy qylynan tartylady. Bul qobyzdardyń pishini álemdegi túrli mýzykalyq aspaptardyń eshbirine uqsamaıdy. Tulǵasy aspanda qanatyn jaıa samǵaǵan aqqýǵa uqsaıdy. Qobyz qazaq ultynyń dástúrli mýzyka aspaptarynyń ishindegi dombyra sekildi, halyq júreginde óz orny bar, mańyzdy aspaptarynyń biri. Sondyqtan Qytaıda qobyzdy Memlekettik materıaldyq emes mádenı mura qataryna qosyp, ony damytýǵa, mádenı qundylyǵyn nasıhattaýǵa kóńil bólingen», - dep jazady «Aǵajaı-Altaı» saıty.


Atalǵan BAQ-tyń jazýynsha, Altaı kúıshilik mektebiniń negizgi oryndaýshylarynyń biri, belgili kúıshi Saırash Jarmuhametuly, Materıaldyq emes mádenı mura bolyp tańdalǵan qobyzdyń nasıhattaýshy, jalǵastyrýshy murageri bolyp úkimet tarapynan arnaıy tańdalǵan. Qytaıdyń Altaı aımaǵy, Shińgil aýdanynda turatyn qandasymyz Saırash Jarmuhametuly bala kúninen kúı ónerine yqylasy aýyp, dombyra shertýge áýestengen. Qazirgi kúnge deıin ulttyq ónerge adal bolyp, halyqqa, urpaqqa kúıin shertip nasıhattap júrgen óner ıesiniń kúı qorjynynda kóne kúıler men qatar, jańǵyrtyp dombyraǵa salyp shertip júrgen eski sybyzǵy kúıleri de mol. Ol sonymen birge 15 jasynda óz qolymen tuńǵysh dombyrasyn jasap, qazaqtyń basqada túrli mýzyka aspaptaryn jasaýmen aınalysa bastaǵan.

«Saırash Jarmuhametuly qazirgi kúni qazaq ultynyń 28 túrli dástúrli mýzyka aspabyn jasaı alady. Ol qobyz jasaýdyń da has sheberi, bir qobyzdy 5 kúnde jasap bitiredi. Qobyz jasaý úshin asqan sheberlik qajet. Shińgil jeriniń sapaly aǵashtarynan oıyp, botanyń terisinen jasalǵan qobyzdyń daýysy tolymdy, syrtqy tulǵasy maıda, jyltyr, uzaq ýaqyt saqtaýǵa bolady. Mine osylaı jasalǵan shanaqtan shyǵandap shyǵatyn qobyz úni Shińgil aýdanynyń taýly-qyrqaly, nýly-sýly dalasyna, móldir, arqyrap aǵatyn taý ózenderine ún qosyp, ásem tabıǵatyna sán berip turǵandaı áserge bóleıdi!», - dep jazady «Aǵajaı-Altaı» saıty.

Túrkııadaǵy mektepke Ál-Farabı esimi berildi - TRT


Túrkııanyń Erzýrým qalasynda bir býlvarǵa jáne bastaýysh mektepke Ál-Farabı esimi berildi, dep jazady Túrkııa Radıo Televızııa portaly.

«Túrki áleminiń dara tulǵasy, uly oıshyl babamyz Ábý Nasyr Ál-Farabıdiń 1150 jyldyq mereıtoıyna oraı, belgili ǵulamanyń esimi men murasyn dáripteý maqsatynda Qazaqstannyń Túrkııadaǵy Elshiligi, EkoEýrazııa qaýymdastyǵy jáne Túrkııa til jáne ádebıet qaýymdastyǵy Erzýrým qalasyndaǵy ókildigi bastamasymen Túrkııanyń Erzýrým qalasyndaǵy býlvarǵa jáne bastaýysh mektepke Ál-Farabı babamyzdyń esimi berildi», - dep habarlaıdy TRT.

Qazaqstandyq delegatsııa Ishanabad aýylynda qonaqta boldy - «ÓzA» aqparattyq agenttigi


Qazaqstan Respýblıkasy Túrkistan oblysynyń ákimi Ó.Shókeev bastaǵan delegatsııa Tashkent oblysy, Shynaz aýdany, Ishanabad aýylynda qonaqta boldy, dep jazady Ózbekstannyń «ÓzA» memlekettik aqparat agenttigi.


«Qazaqstandyq delegatsııa Ishanabad aýylyndaǵy turǵyndar úshin jasalǵan qolaıly jaǵdaılarmen tanysyp, ondaǵy jańadan boı kótergen nysandardy kórdi. Qazaqstan shekarasynan 20 shaqyrym jerde oryn tepken qutty mekende ózbek, qazaq, tájik, orys jáne tatar ultyna jatatyn 3,2 myń halyq ómir súrýde», - dep jazady «ÓzA» aqparattyq agenttigi.


Qazaqstannyń Syrtqy ister mınıstri BUU Bas hatshysynyń orynbasarymen sóılesti - «Fars» aqparat agenttigi


Qazaqstannyń Syrtqy ister mınıstri men BUU-nyń teńizge shyǵa almaıtyn damýshy elder jónindegi arnaıy ókili telefon arqyly sóılesti, dep jazady «Fars» aqparat agenttigi.

«Muhtar Tileýberdi men Fekıtamoeloa Katoa Ýtoıkamaný arasyndaǵy pikir almasýlar kezinde, Nur-Sultannyń 2020-2021 jyldardaǵy teńizge shyǵa almaıtyn damýshy elder tobynyń tóraǵalyǵy sheńberinde ózara is-qımyldy odan ári nyǵaıtý máselelerin talqylady. Budan buryn 2020 jyldyń qyrkúıek aıynda Qazaqstan teńizge shyǵa almaıtyn damýshy elderdiń 32 múshesin biriktirý úshin BUU-men tórt jyldyq yntymaqtastyq týraly qujatqa qol qoıdy. Eki tarap atalmysh toptaǵy naqty damý jobalaryn alǵa ilgerletý úshin halyqaralyq seriktester men kompanııalardyń ınvestıtsııa quıýynyń mańyzdylyǵyn qýattady», - dep jazady Rarstoday.



Bizdiń kanalymyzǵa jazylyńyz:

#BAQ   #Qoǵam  
Bólisińiz:

Avtor:

Baqytjol Kákesh

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT