Qysqy Paralımpıada: 12 naýryzda bes qazaqstandyq sportshy saıysqa túsedi
2022 jylǵy 12 naýryz 07:33

Qysqy Paralımpıada: 12 naýryzda bes qazaqstandyq sportshy saıysqa túsedi

NUR-SULTAN. QazAqparat - Qytaı astanasy Beıjiń qalasynda ótip jatqan 2022 jylǵy XIII qysqy Paralımpıada oıyndarynda 12 naýryzda qazaqstandyq 5 sportshy el namysyn qorǵaıdy, dep habarlaıdy QazAqparat tilshisi.

12 naýryzda Paralımpıada oıyndarynda jarys jolyna para shańǵydan 10 shaqyrymdyq básekege Aleksandr Gerlıts shyǵady.

Al elorda ýaqytymen saǵat 12:00-de 7,5 shaqyrymǵa otyryp syrǵanaý jarysynda el namysyn: Erbol Xamıtov, Sergeı Ýsoltsev, Denıs Petrenko jáne ıÝrıı Berezın jarysqa túsedi.

Atalǵan saıystar «Qazsport» telearnasynan tikeleı efırde kórsetiledi.

Bıylǵy qysqy Paralımpıada oıyndarynda para bıatlonnan túregep syrǵanaýda Aleksandr Gerlıts qola júldeger atandy.

Aıta ketsek, buǵan deıingi Qysqy Paralımpıada oıyndarynda el qorjynyna 1 altyn, 1 kúmis medal tústi.

1994 jyly 10 shaqyrymǵa klassıkalyq mánerdegi shańǵy jarysynda qazaqstandyq Lıýbov Vorobeva kúmis alsa, 2018 jyly shańǵymen jarysta Aleksandr Kolıadın 1,5 shaqyrymǵa klassıkalyq mánerde sprınt jarysynda chempıon atandy.

Qysqy Paralımpıada oıyndary 13 naýryzǵa deıin jalǵasady.


Seriktester jańalyqtary

Jańalyqtar

Úrdis

MURAǴAT