Qysqy Paralımpıada: 11 naýryzda úsh qazaqstandyq sportshy saıysqa túsedi
2022 jylǵy 11 naýryz 00:28

Qysqy Paralımpıada: 11 naýryzda úsh qazaqstandyq sportshy saıysqa túsedi

NUR-SULTAN. QazAqparat - Qytaı astanasy Beıjiń qalasynda ótip jatqan 2022 jylǵy XIII qysqy Paralımpıada oıyndarynda 11 naýryzda qazaqstandyq 3 sportshy el namysyn qorǵaıdy, dep habarlaıdy QazAqparat tilshisi.

Bul kúni el quramasynan Sergeı Ýsoltsev, Erbol Hamıtov pen Aleksandr Gerlıts jarys jolyna shyǵady.

Qazaqstandyq sportshylardyń oıyn kestesi tómendegishe:

08:00. Parabıatlon. 12,5 shaqyrym. otyryp syrǵanaý. Sergeı Ýsoltsev pen Erbol Hamıtov

10:00. Turyp syrǵanaý. 12,5 shaqyrym. Aleksandr Gerlıts.

Tikeleı kórsetilim sol ýaqyttarda «Qazsport» telearnasynan júrgiziledi.

Eske salsaq, aıtýly alamanda elimizdiń atynan Erbol Hamıtov, Aleksandr Gerlıts, Denıs Petrenko, ıÝrıı Berezın jáne Sergeı Ýsoltsev para shańǵy jáne para bıatlon sport túrlerinen el namysyn qorǵaıdy.

Olardyń arasynan para bıatlonnan túregep syrǵanaýda Aleksandr Gerlıts qola júldeger atandy.

Qysqy Paralımpıada oıyndarynda qazirge deıin el qorjynyna 1 altyn, 1 kúmis medal tústi.

1994 jyly 10 shaqyrymǵa klassıkalyq mánerdegi shańǵy jarysynda qazaqstandyq Lıýbov Vorobeva kúmis alsa, 2018 jyly shańǵymen jarysta Aleksandr Kolıadın 1,5 shaqyrymǵa klassıkalyq mánerde sprınt jarysynda chempıon atandy.

Qysqy Paralımpıada oıyndary 13 naýryzǵa deıin jalǵasady.


Seriktester jańalyqtary

Jańalyqtar

Úrdis

MURAǴAT