Qysqy Olımpıadanyń ashylýynda Qazaqstannyń kókbaıraǵyn kim alyp shyǵady
2022 jylǵy 24 qańtar 22:10

Qysqy Olımpıadanyń ashylýynda Qazaqstannyń kókbaıraǵyn kim alyp shyǵady

QARAǴANDY. QazAqparat – Qaraǵandylyq konkıshi Ekaterına Aıdova Beıjińde ótetin qysqy Olımpıada oıyndarynda elimizdiń týyn kóterý qurmetine ıe boldy. Kókbaıraqty sonymen qatar short-trekten Qazaqstan quramasynyń kóshbasshysy Abzal Ájǵalıev te kóteredi, dep habarlaıdy QazAqparat tilshisi.

Sportshylarǵa Qazaqstan týyn el prezıdenti Qasym-Jomart Toqaev tabys etti. Olımpıadaǵa attanatyn sportshylar ant berdi.

«Qysqy Olımpıadanyń ashylýynda elimizdiń týyn jelbiretken alǵashqy qazaqstandyq sportshy bolǵanyma maqtanamyn. Kóptegen adamdar úshin bul Olımpıada oıyndary olardyń mansap joldarynda birinshi ret bolady, al keıbireýinde basty jarystarda óner kórsetý tájirıbesi bar. Biraq maqtanysh pen úlken jaýapkershilik sezimi árqashan birdeı bolyp qalady dep aıta alamyn. Beıjińde biz týǵan eldiń úmitin aqtaýǵa bar kúsh-jigerimizdi salamyz», – dedi Ekaterına Aıdova.

Ekaterına Aıdova – tórt qurlyqtyń chempıony. 30 jastaǵy sportshynyń mansabynda bul tórtinshi Olımpıada oıyndary. Onyń olımpıadalyq debıýti 2010 jyly Vankýverde ótti. 2014 jyly Sochıde, 2018 jyly Pchenhanda ótken olımpıadaǵa qatysty.

XXIV qysqy Olımpıada oıyndaryna qatysýǵa Ekaterına Aıdova 500, 1 000, 1 500 metr qashyqtyqta konkımen júgirý sportynda úsh lıtsenzııa jeńip aldy.

Esterińizge sala keteıik, Beıjiń Olımpıadasynda Qaraǵandy oblysynan taǵy bir sportshy – 21 jastaǵy bıatlonshy Vladıslav Kıreev qatysady. Ol qysqy sport túrleri boıynsha oblystyq olımpıadalyq rezerv mektebiniń tárbıelenýshisi, QR sport sheberi jáne jastar arasynda Qazaqstan men Azııa chempıony.

Qysqy Olımpıada oıyndarynyń ashylý saltanaty 4 aqpanda Beıjińdegi Ulttyq stadıonda ótedi.


Jańalyqtar

MURAǴAT