+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Qys mezgilinde júrekke erekshe kútim qajet – kardıolog Mıhaıl Telıýk

2020 jylǵy 19 qańtar 10:15
Bólisińiz:
Qys mezgilinde júrekke erekshe kútim qajet – kardıolog Mıhaıl Telıýk

PETROPAVL. QazAqparat – Qatty aıazdyń jylymyqqa ulasýy, boran, qubylmaly aýa-raıy – adam densaýlyǵyna áser etedi. Al júrek-qan tamyrlary derti barlardyń mundaıda aýrýy asqynyp, jaǵdaıy nasharlaıdy. Soltústik Qazaqstan oblystyq kardıologııalyq ortalyqtyń qarqyndy terapııa blogynyń meńgerýshisi, óńirdiń shtattan tys bas kardıology Mıhaıl Telıýk QazAqparat tilshisine qys mezgilinde júrekti qalypty ustaýǵa baılanysty birneshe keńesin berdi.

Uqsas jańalyqtar
SQO-da birneshe emdeý mekemesi kópsalaly oblystyq aýrýhana bolyp qaıta quryldy SQO-da medıtsınalyq maskalar nelikten jetispeı jatqandyǵy túsindirildi Aqtaýda júkti áıeldiń júregine ota jasaldy

- Aıaz júrek pen qan tamyrlaryna qalaı áser etedi?

- Klımat, aýa raıy bizdiń densaýlyǵymyzǵa, kóńil-kúıimizge áser etedi. Statıstıkaǵa súıenetin bolsaq, júrek-qan tamyrlary aýrýlary ońtústikten soltústikke, batystan shyǵysqa qaraı artady. ıAǵnı soltústikte turatyndar júrek dertterine jıi shaldyǵady. Sonyń ishinde ásirese qańtar aıynda emdeý mekemelerine júrek ustamasymen túsetinder kóp, shamamen 30% artady. Onyń bir sebebi – sýyq aýa raıynda qan aınalymy buzylady. Aıazda qan tamyrlary tarylady, saldarynan júrekke jáne basqa múshelerge qan qajetti deńgeıde jetpeıdi. Budan basqa sýyq aýamen demalý koronarlyq arterııanyń qysylýyna ákeledi. Qysta aǵzada ottegi jetispeýshiligi bar. Óıtkeni dalaǵa sırek shyǵamyz, taza aýa jutpaımyz.

- Júrek-qan tamyrlary dertteriniń qys mezgilinde qozýyna aýa raıy ǵana áser etedi me?

- Joq. Qysta ishetin asymyz ózgeredi. Jaz-kúz aılarynda jemis-jıdek qoljetimdi, kókónisti kóp tutynamyz. ıAǵnı aǵzamyz qajetti dárýmendi tolyǵymen alady. Qysta dastarqanymyzdan maıly, qunarly taǵamdar, nan-toqash ónimderi men táttiler úzilmeıdi. Bul qan quramynda holesterın men qantty arttyrady. Saldarynan ateroskleroz jáne júrektiń ıshemııalyq aýrýy týýy múmkin.

Dárigerler arasynda «Merekelik júrek sındromy» degen túsinik bar. Bizdiń halyq negizinen spırttik ishimdik ishýde shekti bilmeıdi. Araq-sharapty shekten tys paıdalanýdan júrektiń yrǵaǵy buzylady. Adam kótere almaı ólip ketýi de múmkin. Budan basqa qan qysymy, júrektiń jıyrylý jıiligi artady. Aǵzadaǵy suıyqtyqty tejep, qan qoıýlaıdy. Saldarynan júrek ustamasy ustaıdy. Artyq tamaq ta qan qysymyn arttyrady, júrek pen qan tamyrlaryna salmaq túsedi.

- Jyly kıinip, ishetin asymyzǵa mán bergenimiz jón ǵoı?

- Júrek-qan tamyrlary aýrýlarymen kúresýdiń eń tıimdi joly – salaýatty ómir saltyn ustaný. Kenetten bolatyn ólimniń 30% temeki shegýdiń saldary. «Aǵzaǵa nıkotın qaýipti» degen túsinik qalyptasqan. Nıkotın emes, ol janǵan kezde bólinetin ýly zattar qaýipti. Ýyty qan tamyryn taryltady, júrektiń jıyrylý jıileıdi jáne qan qysymy artady. Temeki shegetinder bul jaman ádetten bas tartqan jaǵdaıda olardyń júrek-qan tamyrlary aýrýlarymen aýrý táýekeli bir-eki jylda shylym tartpaıtyndarmen teńeledi.

Qımyl-qozǵalystyń paıdasyn da umytpaǵan jón. Qysta az qımyldaımyz, saldarynan artyq salmaq jınaımyz, al bul – júrekke qosymsha aýyrtpalyq. Biraq «dene shynyqtyrýmen aınalysý tıimdi» dep birden aǵzaǵa úlken fızıkalyq júkteme berýge bolmaıdy. Dene belsendiligin birden arttyrý qaýipti, máselen sportpen aınalyspaı birden alys qashyqtyqqa júgirý. Nemese qysta ımmýnıtettiń tómendeýinen aǵzamyz túrli juqpaly aýrýlarǵa shaldyqqysh keledi. Bul da júrekke áser etedi.

- Qys mezgilinde júregimizdi qalaı qorǵaı alamyz?

- Elimizde júrek-qan tamyrlary aýrýlarynan bolatyn ólim-jitim birinshi orynda. Ekinshi orynda qaterli isik aýrýlary keledi. Bul dertterdiń bárinde táýekel faktory uqsas. Olar – ómir súrý saltynyń aýrýlary. Ózin-ózi kútetin, durys tamaqtanatyn, sport zalǵa baratyn, jaman ádetterden aýlaq adamdardyń bul aýrýlarmen aýyrý qaýpi tómen. Eń aldymen durys tamaqtanýǵa keńes beremin. Júrek durys jumys isteýi úshin balyq, kókónis pen jemisti kóbirek jep, shujyq, táttilerdi, nan, tuzdalǵan ónimderdi az tutyný kerek. Kóbirek dalada júrip, tońyp qalmaıtyndaı jyly kıiný kerek. Keıde kúnniń sýyǵynda jalańbas júrgen jastardy kórem. Bul – da júrekke qaýipti. Sýyqtan qan tamyrlary tarylyp, júrekke salmaq salady.

Júrek shanshysa, asqazan aýyrsa, jalpy júrek aýrýlarynyń belgileri paıda bolǵan jaǵdaıda birden dárigerdiń kómegine júgingen jón. Aýrýdy erte bastan anyqtaǵan jaǵdaıda ony emdep-jazý jeńil. Qazir Soltúsik Qazaqstan oblysynyń eńbekke jaramdy turǵyndarynyń 30% qan qysymy joǵary.Óńirde 90 myń adam júrek-qan tamyrlary aýrýlarymen esepte tursa, solardyń 56 myńynda arterıaldy gıpertonııa tirkelgen.

- Suhbatyńyzǵa rahmet!


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT