+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qyrymbek Kósherbaev Jemqorlyqpen kúres máseleleri jónindegi komıssııa otyrysyn ótkizdi

2021 jylǵy 13 mamyr 18:48
Bólisińiz:
Qyrymbek Kósherbaev Jemqorlyqpen kúres máseleleri jónindegi komıssııa otyrysyn ótkizdi

NUR-SULTAN. QazAqparat - Qazaqstan Respýblıkasynyń Memlekettik hatshysy Qyrymbek Kósherbaev QR Prezıdenti janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysyn ótkizdi, dep habarlaıdy QazAqparat Aqordaǵa silteme jasap.

Komıssııanyń kezekti otyrysy beınekonferentsııa baılanysy rejıminde ótti. Onda Jumyspen qamtýdyń 2020-2021 jyldarǵa arnalǵan Jol kartasynyń tıimdiligi jáne basshylardyń baǵynysyndaǵy qyzmetkerlerdiń sybaılas jemqorlyqqa tartylǵany úshin tártiptik jaýaptylyǵy men otstavka ınstıtýtyn quqyqtyq qoldanýdyń ózekti máseleleri qaraldy.

Atalǵan máseleler boıynsha atqaralyp jatqan jumystar týraly Respýblıkalyq bıýdjettiń atqarylýyn baqylaý jónindegi esep komıteti, Bas prokýratýra, Sybaılas jemqorlyqqa qarsy is-qımyl, Memlekettik qyzmet isteri agenttikteri, Qarjy, Eńbek jáne halyqty áleýmettik qorǵaý mınıstrlikteri basshylyǵynyń, birqatar óńir ákimderiniń baıandamalary tyńdaldy.

Birinshi máseleni qaraý barysynda halyqty qosymsha tabys kózderimen qamtamasyz etý maqsatynda ázirlengen, daǵdarysqa qarsy basty sharalardyń biri bolyp tabylatyn Jol kartasyn iske asyrýdyń mańyzdylyǵy atap ótildi.

Jol kartasynyń negizinde mańyzdy ınfraqurylymdyq jobalardy iske asyrý bastaldy. Oǵan ótken jyly 1 trln. teńge bólindi. Al bıyl shamamen 325 mlrd. teńge bólý josparlanǵan.

Bul rette osy baǵdarlamalyq qujattyń mańyzdylyǵyn jáne qarjylandyrý kólemin eskere otyryp, Memleket basshysy bıýdjet qarajatynyń maqsatty jáne tıimdi jumsalýyn baqylaýdy tapsyrǵan bolatyn.

Quqyq qorǵaý jáne baqylaýshy memlekettik organdar júrgizgen tekserýler uıymdastyrýshylyq sıpattaǵy jáne qarjylyq tártiptiń saqtalmaıtynyn anyqtady. Sondaı-aq azamattardyń turaqty jumys oryndaryn ashý kezindegi is-áreketin, ásirese, adamdardy jumysqa jalǵan ornalastyrý máselesin qatań baqylaý qajettigin aıqyndady.

Máselen, ótken jyldyń ózinde ǵana Esep komıteti quqyq qorǵaý organdaryna 72 fakt boıynsha materıal bergen. Al 339 fakti boıynsha kináli tulǵalardyń ákimshilik jaýaptylyǵy týraly másele kóterilgen.

Sybaılas jemqorlyqqa qarsy agenttik 28 qylmystyq quqyq buzýshylyqty tirkegen. Ol boıynsha 23 adam jaýapkershilikke tartylǵan. Prokýratýra organdary bolsa, 331 qadaǵalaý aktisin engizdi, 493 adam tártiptik jaýapkershilikke, 540 adam ákimshilik jaýapkershilikke tartyldy.

Osyǵan baılanysty, tıisti memlekettik organdarǵa bólingen qarjynyń jumsalý zańdylyǵy men tıimdiligine monıtorıngti jalǵastyrý, Jol kartasyn iske asyrý jumysyn tıisti úılestirýdi qamtamasyz etý, qarjy tártibin saqtaý jáne merdiger uıymdardyń jańa jumys oryndaryn ashý kezindegi mindettemelerin oryndaýyn baqylaýda ustaý usynyldy.

Ekinshi másele aıasynda sybaılas jemqorlyqqa qarsy aldyn alý sharalaryn qabyldamaǵany jáne sybaılas jemqorlyq quqyq buzýshylyqtar jasaǵany úshin memlekettik organdar basshylarynyń jaýapkershiligin arttyrý ınstıtýtynyń tıimdiligi qaraldy.

Bul ınstıtýtty engizý qajettiligin Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaev birneshe ret atap ótken edi.

Memlekettik qyzmet isteri agenttiginiń málimetinshe, qaramaǵyndaǵy qyzmetkerlerdiń sybaılas jemqorlyq qylmystary úshin 108 memlekettik qyzmetshi men qyzmetker tártiptik jaýapkershilikke tartylǵan. Onyń 15-i otstavkaǵa ketken, al 93 tulǵaǵa túrli tártiptik jaýapkershilik júktelgen.

Tutastaı alǵanda, sybaılas jemqorlyqtyń aldyn alý jónindegi is-sharalarǵa baılanysty basshylardyń tikeleı tartylýyn talqylaý nátıjeleri jańa zańnamalardyń nátıjeli iske asyrylyp jatqanyn jáne alǵa ilgerileý bar ekenin kórsetti.

Sonymen qatar atalǵan jańa ózgeristerdi júzege asyrý kezeńinde atalǵan baǵyttaǵy sybaılas jemqorlyqqa qarsy zańnamany odan ári jetildirý qajettiligi aıqyndaldy.

Osy máselelerdi eskere otyryp, ýákiletti memlekettik organdarǵa tıisti usynystardy odan ári pysyqtaýdy jáne iske asyrýdy júzege asyrý usynyldy.

Otyrys qorytyndysy boıynsha Qazaqstan Respýblıkasynyń Memlekettik hatshysy Qyrymbek Kósherbaev qaralǵan máseleler boıynsha naqty tapsyrmalar berdi, olardyń oryndalýy baqylaýǵa alyndy.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT