+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Qyrymbek Kósherbaev Jambyldyń 175 jyldyq mereıtoıyn merekeleýge daıyndyq barysymen tanysty

2021 jylǵy 19 aqpan 17:23
Bólisińiz:
Qyrymbek Kósherbaev Jambyldyń 175 jyldyq mereıtoıyn merekeleýge daıyndyq barysymen tanysty

ALMATY OBLYSY. QazAqparat – Qazaqstan Respýblıkasynyń Memlekettik hatshysy Qyrymbek Kósherbaev Almaty oblysyna jumys saparymen bardy, dep habarlaıdy Aqorda.

Memlekettik hatshy «Rýhanı jańǵyrý» baǵdarlamasynyń Almaty oblysynda júzege asyrylýy jáne jyr alyby Jambyl Jabaevtyń 175 jyldyq mereıtoıyn merekeleýge daıyndyq barysymen tanysty.

Sapar barysynda Memlekettik hatshy Qarasaı jáne Jambyl aýdandaryndaǵy birqatar áleýmettik-mádenı nysandardy aralady.

Atap aıtsaq, Qyrymbek Kósherbaev Qazaqstan Respýblıkasy Tuńǵysh Prezıdenti – Elbasynyń «Atameken» tarıhı-mádenı ortalyǵyndaǵy Tuńǵysh Prezıdent – Elbasy Nursultan Nazarbaevtyń Qazaqstannyń táýelsizdik alýyndaǵy jáne qalyptasýyndaǵy tarıhı rólin aıshyqtaıtyn mýzeılik ekspozıtsııalarmen tanysty.

Sondaı-aq, Memlekettik hatshy «Rýhanı jańǵyrý» baǵdarlamasy boıynsha «Týǵan jer» jobasynyń aıasynda boı kótergen «Úshqońyr» dene shynyqtyrý-saýyqtyrý kesheninde boldy.

Sonymen qatar Qyrymbek Kósherbaev Jambyl Jabaevtyń ádebı-memorıaldy mýzeıine baryp, Jambyl men onyń ónerdegi piri Súıinbaı Aronulynyń, kompozıtor ári dırıjer Nurǵısa Tilendıevtiń zırattaryna gúl shoqtaryn qoıdy, mádenıet salasynyń ókilderimen kezdesti.

QR Mádenıet jáne sport mınıstri Aqtoty Raıymqulova, Almaty oblysynyń ákimi Amandyq Batalov, Almaty qalasynyń ákimi Baqytjan Saǵyntaev, Jazýshylar odaǵynyń tóraǵasy Ulyqbek Esdáýletov uly jyraýdyń 175 jyldyǵyna arnalǵan mereıtoılyq is-sharalar josparyn tanystyrdy.

Mereıtoılyq is-sharalar josparynda Jambyl týraly ómirbaıandyq fılmniń túsirilimi, aqyn týraly kitaptar shyǵarý, aqyndar aıtysyn uıymdastyrý, mádenı eskertkishter ornatý, sýretshilerdiń halyqaralyq plenerin ótkizý jáne t.b. sharalar qarastyrylǵan.

Kórnekti tulǵalardyń asyl muralaryn nasıhattaý rýhanı jańǵyrýǵa, ásirese, jastardyń rýhanı ósýine zor yqpal etetini aıryqsha atap ótildi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT