+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Qyrymbek Kósherbaev «Rýhanı jańǵyrý» baǵdarlamasynyń úsh jyldyq jumysyn qorytyndylady

2020 jylǵy 5 aqpan 13:23
Bólisińiz:
Qyrymbek Kósherbaev «Rýhanı jańǵyrý» baǵdarlamasynyń úsh jyldyq jumysyn qorytyndylady

NUR-SULTAN. QazAqparat – Aqordada QR Prezıdenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııanyń otyrysy ótti, dep habarlaıdy QazAqparat tilshisi.

Uqsas jańalyqtar

Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen ótken jıynda 2019 jyly baǵdarlamany iske asyrýdyń nátıjeleri men alda atqarylatyn jumystyń jańa basym baǵyttary qaraldy.

«Ózderińizge belgili, Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń bastamasymen «Rýhanı jańǵyrý» baǵdarlamasyn iske asyrylyp jatqanyna bıyl úsh jyl tolady. Úsh jylǵa jýyq ýaqytta eleýli jumystar atqarylyp, naqty jobalar júzege asyryldy. Sonymen birge Memleket basshysy Qasym-Jomart Kemeluly Toqaevtyń jaqynda jaryq kórgen «Abaı jáne HHІ ǵasyrdaǵy Qazaqstan» maqalasyndaǵy oıshyldyń eńbekteri arqyly taralǵan rýhanı baǵyttary osy baǵdarlamamen tabıǵı sabaqtastyq taýyp otyrǵanyn qoǵamdyq pikir qoldap otyr», - dedi Qyrymbek Kósherbaev otyrys barysynda.

Memlekettik hatshy óz sózinde «Rýhanı jańǵyrý» baǵdarlamasy óziniń ólshemderi boıynsha naqty jobalardy iske asyrýǵa baǵyttalǵan keshendi baǵdarlama ekenin atap ótti.

«Sonyń nátıjesinde búgin de baǵdarlama zamanaýı qazaqstandyq mádenıet, ozyq bilim, ǵylymı zertteý, arheologııa jáne basqa da túrli baǵyttardyń damýyna edáýir serpilis berýde. Qazirgi tańda 6 baǵyt boıynsha 13 arnaıy joba iske asyrylýda. Jasyratyny joq birqatar joba nátıjeli júrgizilse, keıbiri kózdegen mejeden shyǵa almaı otyr. «Týǵan jer» jobasy aıasynda metsenattardyń arqasynda demeýshilik qarajat esebinen 2019 jyly 60 mlrd teńgege jýyq qarajat tartyldy. Onyń ishinde 889 nysan jańadan salyndy. 631 nysan kúrdeli jóndeýden ótti. Atap ótý kerek, qarjylandyrýdyń eń kóp kólemi Mańǵystaý, Almaty, Atyraý, Qyzylorda jáne Aqmola oblystarynyń úlesinde. Bul kórsetkishter Qazaqstandaǵy bıznes ókilderdiń áleýmettik jaýapkershiligin kórsetetein baıqatady», - dedi ol.

Qyrymbek Kósherbaev sonymen qatar «Aýyl – el besigi» jobasy boıynsha aldaǵy úsh jyldaǵy is-sharalardy iske asyrýǵa Úkimet respýblıkalyq bıýdjetten 90 mlrd teńge qarastyrylǵanyn aıtty. Onyń ishinde 2019 jyly 30 mlrd teńge bólinip, 711 jobadan turatyn 53 aýyldyq eldimekende 452 ınfraqurylymdyq joba iske asyryldy.

«Qalǵan jobalar elimizdiń rýhanııaty men tarıhyn, ádebıeti men mádenıetin, bilimi men ǵylymyn tereńdetý, tanytý, zertteý baǵyttary boıynsha jalǵasýda», - dedi Memlekettik hatshy.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT