Qyrymbek Kósherbaev Azamattyq máseleleri jónindegi komıssııanyń otyrysyn ótkizdi

NUR-CULTAN. QazAqparat - Qyrymbek Kósherbaev Qazaqstan Respýblıkasy Prezıdentiniń janyndaǵy Azamattyq máseleleri jónindegi komıssııanyń otyrysyn ótkizdi, dep habarlaıdy Aqorda.

Búgin QR Memlekettik hatshysy Q.E.Kósherbaevtyń tóraǵalyǵymen Qazaqstan Respýblıkasy Prezıdentiniń janyndaǵy Azamattyq máseleleri jónindegi komıssııanyń kezekti otyrysy onlaın rejıminde ótti.

Otyrysta Qazaqstan azamattyǵyn alýǵa jáne odan shyǵýǵa tilek bildirgen adamdardyń ótinishteri qaraldy.

Odan bólek, Іshki ister jáne Syrtqy ister mınıstrlikteriniń azamattyqty ózgertý máseleleri jóninde 2020 jyly atqarǵan jumystarynyń aldyn ala nátıjeleri talqylandy.

Jıyn qorytyndysy boıynsha Komıssııa Memleket basshysynyń qaraýyna jaqyn jáne alys shetelderden kelgen ártúrli ulttardyń 1037 ókilin elimizdiń azamattyǵyna qabyldaý týraly usynys engizedi.

Komıssııa 300 adamnyń Qazaqstan azamattyǵynan shyǵý týraly ótinishin qanaǵattandyrýdy da usynatyn bolady.