+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Qyrkúıektiń basynan beri Pavlodar oblysynda KVI-diń taraý kórsetkishi 1,5 ese tómendedi

2021 jylǵy 22 qyrkúıek 18:33
Bólisińiz:
Qyrkúıektiń basynan beri Pavlodar oblysynda KVI-diń taraý kórsetkishi 1,5 ese tómendedi

NUR-SULTAN. QazAqparat – Búgin Ortalyq kommýnıkatsııalar qyzmetinde Pavlodar oblysy ákiminiń orynbasary Aızada Qurmanova óńirdegi koronavırýs indetimen kúres jumystaryn baıandady, dep habarlaıdy QazAqparat tilshisi.

Uqsas jańalyqtar
SQO-da ótken táýlikte koronavırýstan 5 adam qaıtys boldy Pavlodar oblysynda Ashyq kóshbasshylaryna túngi ekige deıin jumys isteýge ruqsat berildi Pavlodar oblysynyń Jelezın aýdanyna jańa ákim taǵaıyndaldy

«Pavlodar oblysynda epıdemıologııalyq jaǵdaı turaqtanyp keledi. Pandemııa bastalǵannan beri oblysta koronavırýs juqtyrýdyń 45 027 jaǵdaıy tirkeldi, onyń ishinde saýyqqandar sany 42 087 adam nemese 93,5%. Jalǵasyp jatqan jappaı egý jáne basqa da aldyn alý sharalary qyrkúıek aıynyń basynan KVI aýrýynyń 1,5 ese tómendeýine yqpal etti. Eger tamyzdyń jıyrma kúni ishinde 6847 adam aýyrsa, qyrkúıek aıynda dál osyndaı kezeńde – 4538», - dedi A. Qurmanova.

Onyń aıtýynsha, qazirgi kezde 10 statsıonarda 811 adam KVI -dan em alýda, ınfektsııalyq tósek-oryn júktemesi - 41,7%. Osydan bir aı buryn oblys statsıonarlarynda 1709 adam bolǵan, ıaǵnı ınfektsııalyq tósek-oryn júktemesi 1,8 esege tómendedi.

«Kovıdtik gospıtaldarǵa jatqyzylatyndardyń sany (táýligine 200-den 90 adamǵa deıin) azaıýyna baılanysty 1000-nan astam ınfektsııalyq tósek jáne 85 reanımatsııalyq tósek kezeń-kezeńimen qysqartylyp jatyr. Aýyldyq jerlerde, oblystyq aýrýhanada josparly medıtsınalyq kómek kórsetý tolyq qalpyna keltirildi, kardıologııalyq ortalyqta josparly emdeýge jatqyzý tolyq kólemde júrgizilýde, júkti áıelder men balalarǵa kómek kórsetý úshin oryndar qalpyna keltirildi», - dedi oblys ákiminiń orynbasary.

Onyń sózine qaraǵanda, epıdımologııalyq jaǵdaı nasharlaǵan jaǵdaıda rezervte taǵy 2037 ınfektsııalyq oryn bar.

«Jansaqtaý bóliminde 83 naýqas, júkteme 41,5 paıyzdyquraıdy. 12 naýqas óte aýyr jaǵdaıda», - dedi ol.


2021-09-22 18:33
Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT