+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qyrkúıekte jyldyq ınflıatsııa 7 paıyz deńgeıinde saqtaldy

2020 jylǵy 13 qazan 09:44
Bólisińiz:
Qyrkúıekte jyldyq ınflıatsııa 7 paıyz deńgeıinde saqtaldy

NUR-SULTAN. QazAqparat - Qyrkúıekte jyldyq ınflıatsııa 7 paıyz deńgeıinde saqtaldy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Bıylǵy qyrkúıekte jyldyq ınflıatsııa 7 paıyz deńgeıinde saqtaldy. Azyq-túlik taýarlary baǵasynyń jyldyq ósýi osy jylǵy tamyzda 10,9-dan 10,8 paıyzǵa deıin azdap baıaýlady. Et jáne sút ónimderi, jumyrtqa baǵasynyń ósý qarqynynyń baıaýlaýy baıqaldy. Azyq-túlikke jatpaıtyn taýarlar baǵasynyń jyldyq ósýi 5,5% deńgeıinde saqtaldy. Aqyly qyzmetterge baǵanyń jyldyq ósýi osy jylǵy tamyzda 3,4 qyrkúıekte 3,6 paıyzǵa deıin elektr energııasyna jáne bilim berý qyzmetterine tarıfterdiń ósýi aıasynda jedeldetildi.

Ulttyq banktiń osy jylǵy qyrkúıektegi ınflıatsııalyq kútýler boıynsha úı sharýashylyqtaryna júrgizgen pikirterimi damý perspektıvalaryn qysqa jáne uzaq merzimdi baǵalaýdyń barynsha oń bolǵanyn kórsetedi», - dedi ol.

Onyń aıtýynsha, úı sharýashylyqtarynyń aǵymdaǵy jáne bolashaq materıaldyq jaǵdaıyn baǵalaý osy jylǵy shilde-tamyzben salystyrǵanda jaqsardy. Qyrkúıekte ınflıatsııalyq kútý birshama tómendedi. Sondaı-aq baǵanyń qabyldanatyn jáne kútiletin ósýiniń tikeleı baǵalaý azaıdy.

«Tamyzben salystyrǵanda respondentterdiń az bóligi tamaq ónimderi baǵasynyń, kóp bóligi azyq-túlikke jatpaıtyn taýarlar men qyzmetterge baǵanyń óskenin atap ótti. Jedeldetilgen ınflıatsııalyq protsester jaǵdaıynda orta merzimdi bolashaqta jyldyq ınflıatsııany birtindep báseńdetý úshin bazalyq stavka osy jylǵy 7 qyrkúıekte +/-1,5 protsenttik dálizben 9 paıyzdeńgeıinde saqtaldy. Bazalyq stavkanyń naqty deńgeıi ınflıatsııanyń ósýin tejep qana qoımaı, ekonomıkalyq belsendiliktiń qalpyna kelýin yntalandyrady», - dedi Erbolat Dosaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT