+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qyrkúıekte respondentter turmystyq tehnıka men keńse taýarlaryna baǵa óskenin atap ótti – Ulttyq bank

2020 jylǵy 15 qazan 11:36
Bólisińiz:
Qyrkúıekte respondentter turmystyq tehnıka men keńse taýarlaryna baǵa óskenin atap ótti – Ulttyq bank

NUR-SULTAN. QazAqparat - Ulttyq banktiń aqsha-kredıt saıasaty departamenti dırektorynyń orynbasary Denıs Chernıavskıı 2020 jylǵy qyrkúıektegi ınflıatsııaǵa túsinikteme berdi.

Naqty jyldyq ınflıatsııa 7,0% deńgeıinde turaqtanǵan kezde ınflıatsııalyq kútýler qyrkúıekte 6,5-ǵa deıin (2020 jylǵy tamyz – 6,9%) tómendedi.

Sonymen qatar qabyldanatyn jáne kútiletin baǵanyń ósýin baǵalaýlar azaıdy. Máselen, baǵanyń ósýin atap ótken respondentterdiń arasynda bir jyldyq bolashaqta kútiletin ınflıatsııany medıandyq baǵalaý 16,6% (2020 jylǵy tamyz – 17,7%) deıin, al qabyldanatyn ınflıatsııaniki – 18,1% (20,7 % ) deıin tómendedi.

2020 jylǵy qyrkúıekte ótken 12 aıda baǵanyń meıilinshe tez óskenin atap ótken respondentterdiń úlesi 62%-ǵa deıin (tamyzda – 65%) tómendedi. Ótken aıdaǵy baǵalar serpinin baǵalaýlarda baǵalardyń óte joǵary ósýin atap ótken respondentterdiń úlesi
38%-ǵa deıin (shildede – 49%, tamyzda – 41%) tómendedi.

Tamyzben salystyrǵanda qyrkúıekte respondentterdiń az bóligi tamaq ónimderi baǵasynyń, kópshiligi – azyq-túlikke jatpaıtyn taýarlar pen qyzmetter baǵasynyń óskenin atap ótti. Respondentter tamaq ónimderiniń qurylymynda et jáne taýyq, jemister men kókónister, sút ónimderi baǵasynyń óskenin atap ótýdi jalǵastyrdy, bul rette olardyń úlesi tamyzben salystyrǵanda tómendedi. Nan-toqash ónimderi baǵasynyń óskenin atap ótken respondentterdiń úlesi artty.

Azyq-túlikke jatpaıtyn taýarlardyń qurylymynda turmystyq tehnıka men keńse taýalaryna baǵanyń ósýin atap ótken respondentterdiń úlesi ósti. Qyzmetter boıynsha TKSh salasynda tarıfterdiń, sondaı-aq turmystyq qyzmetter (shashtaraz, atele jáne t.b.) qunynyń óskeni atap ótildi.

Aǵymdaǵy jáne bolashaq materıaldyq jaǵdaıdy baǵalaýlar shilde-tamyzben salystyrǵanda azdap teris boldy. Jalaqy alýshylardyń úlesi qalpyna kelýde, respondentterdiń iri satyp alýlarǵa daıyndyǵy artty. 2020 jylǵy qyrkúıekte jınaq aqshasy bar respondentterdiń úlesi tómendedi. Bul rette jınaq aqshanyń kóp bóliginiń banktik depozıt túrinde saqtalýy jalǵasýda

Damý perspektıvalaryn qysqamerzimdi jáne uzaqmerzimdi baǵalaý meılinshe oń boldy.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT