FÝTBOLDAN ÁLEM ChEMPIONATY-2022

Qyrǵyzstanda zańsyz júrgen 5 bala elge qaıtaryldy

2022 jylǵy 6 qazan, 14:03
Qyrǵyzstanda zańsyz júrgen 5 bala elge qaıtaryldy

ASTANA. QazAqparat - QR Oqý-aǵartý mınıstrliginiń Balalardyń quqyqtaryn qorǵaý komıteti bes balany elge qaıtardy. Bul týraly QazAqparat mınıstrlikke silteme jasap habarlaıdy.

Elimizdiń kámeletke tolmaǵan azamattary Qyrǵyzstanda zańsyz júrgen. 2022 jyldyń basynan beri Qyrǵyz Respýblıkasynan 3 qyz jáne 2 ul elge qaıtaryldy.

«Balalardyń quqyqtaryn qorǵaý komıteti balalardyń múddesi úshin aýqymdy jumys atqaryp jatyr. 2022 jyldyń basynan beri QR Oqý-aǵartý mınıstrliginiń Balalardyń quqyqtaryn qorǵaý komıteti Qyrǵyz Respýblıkasynyń aýmaǵynan barlyǵy 5 kámeletke tolmaǵan balany, sonyń ishinde 3 qyz jáne 2 ul balany elge qaıtardy. 2011 jyly týǵan qyz Qyrǵyzstannyń Panfılov aýdanynda zańsyz bolǵan. Qolda bar aqparatqa sáıkes, balanyń anasy kórshi memleketke baryp, qyzyn tárbıeleýge tıisti qujattardy resimdemeı, beıtanys adamdarǵa tapsyrǵan. Bala jaqyn týysynyń ótinishi boıynsha Qazaqstanǵa qaıtaryldy. Sondaı-aq 2009 jáne 2011 jyldary týǵan ápkesi men inisi Bishkekte bolǵan. Qazaqstan Respýblıkasy men Qyrǵyz Respýblıkasynyń memlekettik organdary arqyly balalardy elge qaıtarý qajettiligi týraly ótinish kelip tústi. Taǵy bir jaǵdaı 2010 jáne 2015 jyly týǵan aǵasy men qaryndasy Qyrǵyz Respýblıkasynyń Osh oblysynyń Qara-Sýı aýdanynda bolǵan. Balalar týystarynda zańsyz bolǵan jáne olar anasynyń ótinishi boıynsha elge qaıtaryldy, – dedi QR Oqý-aǵartý vıtse-mınıstri Ǵanı Beısembaev.

Іs-shara barysynda kámeletke tolmaǵannyń barlyǵy Almaty qalasyndaǵy Balalardy qoldaý ortalyǵyna jetkizildi. Qazirgi ýaqytta qoldanystaǵy zańnamaǵa sáıkes balalardy týystaryna berý jumystary aıaqtaldy/nemese júrgizilip jatyr.

Qazaqstan Respýblıkasy azamattarynan taǵy ótinishter túsken jaǵdaıda mundaı jumystar jalǵasyn tabady.


Seriktester jańalyqtary

Jańalyqtar