Qyrǵyzstanda týrısterge vıza berý merzimi 1 kúnge deıin qysqarady
2022 jylǵy 17 mamyr 15:34

Qyrǵyzstanda týrısterge vıza berý merzimi 1 kúnge deıin qysqarady

BІShKEK. QazAqparat – Sholpan-Atada mınıstrler kabınetiniń basshysy Aqylbek Japarovtyń tóraǵalyǵymen týrızmdi damytý jónindegi ulttyq keńestiń alǵashqy otyrysy ótti. Bul týraly QazAqparattyń menshikti tilshisi Qyrǵyz Respýblıkasy mınıstrler kabınetiniń baspasóz qyzmetine silteme jasap habarlaıdy.

Otyrysta jalpy týrızm salasyn damytý boıynsha usynystar, sondaı-aq osy baǵyttaǵy memlekettik saıasatty iske asyrý boıynsha memlekettik organdardyń qabyldap jatqan sharalary talqylandy.

A.Japarov bıyl elge týrıster kóptep keletinin aıtty. Sondyqtan aldaǵy týrıstik maýsymǵa muqııat daıyndalý qajettigin atap ótti.

«Sheteldik týrısterge elektrondy vıza berý merzimi qysqartylyp, 2,5 kúndi qurady. Biraq bul merzimdi bir kúnge deıin qysqartý kerek. Kólge aparatyn joldardy ulttyq kıiz úılermen bezendirý qajet. Týrısterdiń eń kóbi Qazaqstanmen shekara arqyly elge keledi. Ótkizý beketterinde olar úshin jeke «jasyl» dáliz qurý qajet, ol úshin barlyq múmkindikter bar. Biz memlekettik-jeke menshik áriptestik aıasynda týrızmdi damytýǵa baǵyttalǵan úzdik jobalardy qoldaýǵa daıynbyz», - dep málimdedi mınıstrler kabınetiniń tóraǵasy.

Spıker týrızmdi damytý jónindegi keńes shuǵyl túrde atalǵan sektordy damytýdyń strategııalyq baǵdarlamasyn ázirleýi tıis ekenin atap ótti.

Quramyna týrıstik salada jumys isteıtin kásipkerler kiretin keńes otyrystary aı saıyn ótkiziledi.

Otyrys qorytyndysy boıynsha mınıstrler kabınetiniń tóraǵasy týrıstik keshender men pansıonattarǵa kirme joldardy jaqsartý boıynsha birqatar tapsyrma berdi.


Jańalyqtar

MURAǴAT