Qyrǵyzstanda mınıstrdiń keńesshisi para aldy degen kúdikpen ustaldy
2022 jylǵy 17 mamyr 19:01

Qyrǵyzstanda mınıstrdiń keńesshisi para aldy degen kúdikpen ustaldy

BІShKEK. KABAR-QazAqparat – Qyrǵyzstannyń Ulttyq qaýipsizdik memlekettik komıteti eldiń densaýlyq saqtaý mınıstriniń keńesshisin bopsalap para aldy degen kúdikpen ustady, dep habarlaıdy QazAqparat Kabar agenttigine silteme jasap.

Ulttyq qaýipsizdik memlekettik komıteti habarlaǵandaı, bıǵy jyldyń 17 mamyrynda Bishkek qalasynyń aýmaǵynda júrgizilip jatqan jedel-izdestirý sharalary aıasynda Qyrǵyz Respýblıkasy densaýlyq saqtaý mınıstri A. Beıshenalıevtiń keńesshisi, 03.07.1993 jyly týǵan Tilekova Meerim Tilekqyzynyń naqty qaıda ekeni anyqtalǵan.

Ol Qyrǵyz Respýblıkasynyń QK 343-babynda kózdelgen (bopsalap para alý) qylmys belgileri boıynsha tergeýge deıingi tekserý materıaldary aıasynda odan ári tergeý áreketterin uıymdastyrý úshin ustalyp, Qarakól qalasyna jetkizildi.

Qazirgi ýaqytta tıisti jedel-tergeý sharalary júrip jatyr.


Jańalyqtar

MURAǴAT