FÝTBOLDAN ÁLEM ChEMPIONATY-2022

Qyrǵyzstan bilim mınıstri alǵan $110 myń parasynyń 37 myń dollaryn qaıtardy

2022 jylǵy 1 qazan, 12:55
Qyrǵyzstan bilim mınıstri alǵan $110 myń parasynyń 37 myń dollaryn qaıtardy

BІShKEK. KABAR-QazAqparat – Qyrǵyzstannyń bilim jáne ǵylym mınıstri Almazbek Beıshenalıevke qatysty iri kólemde para bopsalaý faktisi boıynsha qylmystyq isti tergeý jalǵasyp jatyr. Bul týraly eldiń ІІM baspasóz qyzmeti málim etti, dep habarlaıdy QazAqparat Kabar agenttigine silteme jasap.

Tergeý barysynda mınıstrdiń sheteldik stýdentterdi otandyq joǵary oqý oryndaryna qabyldaǵany úshin iri kólemde para alǵany anyqtaldy.

Ol atqarýshy bılik organdarynyń normatıvtik quqyqtyq aktilerin qabyldaǵannan keıin joǵary oqý ornyna qabyldaý máselesin sheshýge ýáde bergen.

Qajetti qaýlyny daıyndaý úshin ol osy máseleniń bárin sheshýge 100 000 dollar kóleminde aqsha talap etken.

Tergeý barysynda ol joǵaryda atalǵan somany birinshi ret osy jyldyń 28 tamyzynda alǵany anyqtaldy.

Osydan keıin biraz ýaqyttan soń másele áli túpkilikti sheshilmegendikten oǵan qaıtadan júgingen.

Bul joly mınıstr para retinde qosymsha 10 myń dollar kóleminde aqsha bopsalaǵan.

Eske sala keteıik, 28 qyrkúıekte ony ІІM qyzmetkerleri 10 myń dollar alý kezinde ustady.

Odan ári tergeý barysynda A.Beıshenálıev sheteldik stýdentterdi otandyq joǵary oqý oryndaryna qabyldaǵany úshin asa iri mólsherde – 110 myń AQSh dollary kóleminde para alǵany anyqtaldy.

Tergeý kezinde ol buryn para túrinde alǵan 37 myń 500 AQSh dollaryn qaıtardy. Qalǵan somany jaqyn arada qaıtarýǵa ýáde berdi.

Bul fakti boıynsha tolyq jáne obektıvti tergeý júrgiziledi. Ustalǵan adamǵa qatysty Pervomaıskıı aýdandyq sotynyń qaýlysymen MUQK tergeý ızolıatoryna qamaýǵa alý túrindegi bultartpaý sharasy tańdaldy. Tergeý amaldary jalǵasýda.

Foto: kabar.kg



Tegı:
Uqsas jańalyqtar
Seriktester jańalyqtary

Jańalyqtar