Qyrǵyz mektepterinde aptasyna eki márte ánuran oryndalatyn boldy

NUR-SULTAN. QazAqparat – Qyrǵyzstan mektepterinde oqý aptasynyń basynda jáne sońynda memlekettik ánuran oryndalady, dep habarlaıdy QazAqparat Kabar aqparat agenttigine silteme jasap.

Bul týraly Batkende ótken kóshpeli jıynda Qyrǵyzstannyń Bilim jáne ǵylym mınıstri Almazbek Beıshenalıev málimdedi.

Bul bastama oqýshylardyń ulttyq bolmysy men patrıotızmin nyǵaıtýǵa baǵyttalǵan.

Jıynǵa qatysýshylar mınıstrdiń bastamasyn tolyq qoldady.

Aıta keteıik, bul - mınıstrlikter arasynda Bilim jáne ǵylym mınıstrliginiń Batkende ótkizip otyrǵan birinshi kóshpeli otyrys.