+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Kúzgi koronavırýs qalaı ótip jatyr – Mamanmen suhbat

2020 jylǵy 25 qazan 13:41
Bólisińiz:
Kúzgi koronavırýs qalaı ótip jatyr – Mamanmen suhbat

NUR-SULTAN. QazAqparat — Koronavırýs ınfektsııasy mýtatsııa jaǵdaıynda asa juqpaly bolyp, kúrdeli aýrýlarǵa ákep soǵýy múmkin. Bul týraly Nur-Sultan qalasynyń №11 qalalyq emhanasynyń ınfektsıonıst dárigeri Qońyr Medetova aıtyp berdi, dep habarlaıdy QazAqparat tilshisi.

- Halyqty koronavırýstyń jańa tolqyny bolýy múmkin degen suraq mazalaıdy. Infektsıonıst retinde bul tolqynnyń qanshalyqty múmkin ekenin jáne qalaı qorǵaný qajettigin aıtyp berseńiz?

- Qazirgi ýaqytta adamdar epıdemııaǵa qarsy sharalardy ustanbasa, ara qashyqtyqty saqtamasa, koronavırýs ınfektsııasynyń ekinshi tolqyny bolýy yqtımal. Óıtkeni, vırýs eshqaıda ketpeıdi, ol áli de osynda. Al odan ózińizdi qorǵap, ózge adamdarǵa juqtyrmaý úshin qol gıgıenasyn saqtap, top ishinde maska taǵyp, túshkirip-jótelgen adamdardan alshaq júrý kerek.

- Eger adam ózin jaısyz sezinse, eń aldymen ne isteýge keńes berer edińiz?

- Eger adam syrqattanyp qalsa, úıde qalyp, oqshaýlanýǵa jáne úıdegilerdiń hal-jaǵdaıyn baqylaýǵa keńes beremin. Osylaısha siz ózińizdi qorǵap, vırýstyń taralýynyń aldyn alasyz. Dene temperatýrasynyń paıda bolsa, jótel men entigý baıqalsa – ýchaskelik dárigerge júginip, medıtsınalyq kómek alý kerek jáne óz sımptomdaryńyz týraly habarlaý qajet. Ýchaskelik dáriger sizdiń jaǵdaıyńyzdy baqylap, nasharlaǵan jaǵdaıda aýrýhanaǵa jatqyza alady.

- Koronavırýstyń mýtatsııalanýy múmkin be jáne onyń saldary qandaı bolmaq?

- Bul koronavırýstyń mýtatsııalyq qasıetteri bar. Biraq biz jańa vırýstyń qalaı áreket etetinin, mýtatsııaǵa túsý-túspeýin bilmeımiz. Mýtatsııa jaǵdaıynda ol anaǵurlym juqpaly bolyp, densaýlyq úshin aýyr saldar ákelýi múmkin.

- Kúzgi nemese qysqy koronavırýstyń jazǵy túrinen aıyrmashylyǵy bar ma?

- Ázirge COVID-19 aýrýyn týdyratyn koronavırýstyń maýsymdyq sıpaty rastalǵan joq. Bálkim, qys mezgilinde tumaýdyń maýsymdyq órshýi koronavırýstyń qarqyndy taralýymen sáıkes keletin shyǵar. Kúzgi nemese qysqy koronavırýs klınıkalyq belgileri boıynsha jazdan esh aıyrmashylyǵy joq.

- Sýyq kúnder bastalǵan soń koronavırýspen syrqattaný ahýaly qandaı? Adamdar neni bilýi kerek?

- Dál qazir vırýstyń qysqy sýyqta qalaı áreket etetini jáne koronavırýs pnevmonııasynyń qalaı ótetini belgisiz. Biraq bul aýrý sýyqqa jaýap berip, anaǵurlym belsendi bolýy da múmkin. Sondyqtan qazaqstandyqtar qys mezgilinde koronavırýs ınfektsııasynan qorǵanýǵa barynsha jaýapkershilikpen qaraýy kerek. Qysta ımmýnıtetti tómendetetin sýyq tııýden, stressten aýlaq bolý usynylady. Durys tamaqtaný da aǵzanyń ımmýndyq júıesine koronavırýs ınfektsııasyn jeńýge kómektesedi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT