+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Quzǵa órmeleýshi Rıshat Haıbýllın Tokıo Olımpıadasyna qatysý normatıvin oryndady

2019 jylǵy 20 tamyz 02:04
Bólisińiz:
Quzǵa órmeleýshi Rıshat Haıbýllın Tokıo Olımpıadasyna qatysý normatıvin oryndady

NUR-SULTAN. QazAqparat - Sporttyq quzǵa órmeleýden Qazaqstan komandasynyń múshesi Rıshat Haıbýllın 2020 jylǵy Tokıo Olımpıadasyna qatysý normatıvin oryndady dep habarlaıdy QazAqparat Olympic.kz-ke silteme jasap.

Uqsas jańalyqtar
Dzıýdo: Dıýsseldorftaǵy «Grand Slam» týrnırine qatysatyn el quramasy belgili boldy Elena Rybakına WTA reıtınginde TOP-20 kirgen tuńǵysh qazaqstandyq tennısshisi atandy Serik Sálmenov dzıýdodan Eýropa kýboginiń qola júldegeri atandy

Bul kúnderi Japonııanyń Hatıodzı qalasynda sporttyq quzǵa órmeleýden álem chempıonaty ótip jatyr. Kópsaıystan irikteý synyna álem kýbogy kezeńderinde meıilinshe joǵary upaı jınaǵan 20 sportshy qatysqan bolatyn. Fınalǵa joldama alǵan jeti sportshy Olımpıada normatıvin oryndady. Al bir lıtsenzııa avtomatty túrde Olımpıada qojaıyny sanalatyn Japonııa sportshysyna beriledi. Álem chempıonatynyń kópsaıys fınalyna tórt japondyq sportshy ótti. Bul Rıshat Haıbýllınniń Olımpıada normatıvin oryndaǵanyn rastaıdy. Óıtkeni, bir elden eki sportshy ǵana 2020 jylǵy Olımpıadaǵa qatysa alady.

«Іrikteý júıesi boıynsha, Olımpıadanyń jeti joldamasy álem chempıonatynda oınatyldy. Al bir lıtsenzııa qurlyq dodasynda beriledi. Sondaı-aq, jeltoqsan aıynda lıtsenzııalyq týrnır ótedi. Rıshattyń kópsaıystan alǵashqy jıyrmalyqqa enetinine senimdi boldym. Haıbýllın 20 sportshynyń arasyna 14-shi nátıjemen ótti. Sondaı-aq, irikteýge 39 elden 83 sportshy qatysqan bolatyn. Kelesi kezeńge ótken sportshylardyń aıaq alysyn baqylaǵan soń, Rıshattyń Olımpıada normatıvin oryndaý múmkindigi bar ekenin túsindik. Rıshat «jyldamdyq» boıynsha Qazaqstannyń jańa rekordyn ornatty – 5, 863 sekýnd. Bul onyń joǵary kóterilýine múmkindik berdi», - deıdi komandanyń bas bapkeri Sáýle Ysqaqova.

Aıta ketelik, sporttyq quzǵa órmeleýden Tokıoda alǵash ret Olımpıada júldesi taratylady. 2016 jyly ótken Halyqaralyq Olımpıada komıtetiniń Sessııasynda atalǵan sport túri Olımpıada baǵdarlamasyna endi.

Búginge deıin #TEAMKZ sportshylary 11 lıtsenzııa jeńip aldy. Atap aıtar bolsaq, júzýden Dmıtrıı Balandın (100, 200 metrge brass ádisimen júzý), jeńil atletter Olga Rypakova men Georgıı Sheıko, velosporttan Evgenıı Gıdıch, sadaq atýdan Qazaqstan quramasy (jekeleı synǵa Denıs Gankın, Ilfat Abdýllın jáne Sanjar Musaev qatysady), sporttyq quzǵa órmeleýden Rıshat Haıbýllın jáne ashyq sýda júzýden Vıtalıı Hýdıakov Olımpıadaǵa joldama aldy.

Bizdiń kanalymyzǵa jazylyńyz:

Basty sózder: Sport,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT