Kúzet fırmasyn bopsalap, 1 mln dollar talap etken alaıaqtar ustaldy
2022 jylǵy 7 maýsym 13:04

Kúzet fırmasyn bopsalap, 1 mln dollar talap etken alaıaqtar ustaldy

NUR-SULTAN. QazAqparat - Kúzet fırmasynyń basshylyǵyn bopsalap, 1 mln dollar para almaq bolǵan alaıaqtar qolǵa tústi, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

« Sybaılas jemqorlyqqa qarsy qyzmet arnaıy operatsııanyń nátıjesinde ózderin quqyq qorǵaý organdarynyń qyzmetkerleri retinde tanystyra otyryp, kúzet fırmasynyń basshylyǵynan olardyń qarjylyq qyzmetindegi buzýshylyqtar týraly áshkereleıtin materıaldardy taratpaǵany jáne jalpy qamqorlyǵy úshin 1 mıllıon AQSh dollaryn talap etken alaıaqtar tobyn áshkereledi. Alaıaqtar fırma ókilinen 600 myń AQSh dollaryn alý sátinde ustaldy» delingen habarlamada.

Sottyń sanktsııasymen qylmysty uıymdastyrýshyǵa qatysty «kúzetpen ustaý» túrindegi bultartpaý sharasy qoldanyldy.

Qazirgi ýaqytta qylmystyq is boıynsha tergeý áreketteriniń kesheni júrgizilýde. Toptyń uqsas qylmystar jasaýǵa qatystylyǵy tekserilýde.

Ózge aqparat QR QPK 201-babyna sáıkes tergeý múddesinde jarııa etýge jatpaıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT