+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Kúıshi Dına skveri, stýdenttik karta: Astanalyqtardyń qandaı ıdeıalary iske asyrylýda

2021 jylǵy 22 sáýir 21:17
Bólisińiz:
Kúıshi Dına skveri, stýdenttik karta: Astanalyqtardyń qandaı ıdeıalary iske asyrylýda

NUR-SULTAN. QazAqparat - Nur-Sultanda «Birge» platformasynda ıdeıalar moderatsııasynyń ekinshi kezeńi aıaqtaldy. Onlaın-daýys berý nátıjeleri boıynsha júzege asyrylatyn tórt ıdeıa anyqtaldy, dep habarlaıdy QazAqparat.

Qala ákimdiginen málim etkendeı, jaqyn arada onlaın-daýys berý úshin elordalyqtardyń taǵy 30-ǵa jýyq ıdeıasy usynylatyn bolady. Іriktelgen usynystar aldaǵy IT-keńeste qaralady.

«Elorda ákimi Altaı Kólginovtiń tapsyrmasy boıynsha Birge platformasy iske qosylǵan bolatyn. Alǵashqy sátten bastap turǵyndar qalany damytýǵa belsendi aralasty. Elordalyqtar 290-nan astam ıdeıa usyndy. Olardyń kópshiligi bilim berý, ekologııa, qoǵamdyq keńistik, ýrbanıstıka jáne áleýmettik sala ıdeıalaryn qoldady», - dedi ákimdikten.

Elorda turǵyndarynyń úzdik ıdeıalaryna toqtalsaq:

1) «Stýdenttik karta».

Ideıa avtory D. Nyǵymanov «bilim berý» taqyryby boıynsha qoǵamdyq kólikke aqy tóleý, stıpendııany tolyqtyrý, ýnıversıtetke kirý, mekemelerdegi jeńildikter jáne taǵy basqasy úshin biryńǵaı stýdenttik karta jasaýdy usyndy.

2) «Qoqysty bólek jınaý».

Ideıa avtory — J.Sanzybaev. Ol «ekologııa» sanatynda kólik kartasyna nemese telefonǵa aqsha aýdara otyryp, tutas plastık bótelkelerdi, syra, alıýmınıı jáne shyryn qutylaryn jınaý úshin termınaldar ornatýdy usyndy.

3) «Kúıshi Dına atyndaǵy skver ornatý»

O.Jaqypova «qoǵamdyq keńistik» taqyryby boıynsha qalada skver ashyp, Dına Nurpeıisovanyń músindik kompozıtsııasyn ornatýdy usyndy.
4) «Balalar arbasynyń, múmkindigi shekteýli azamattardyń, velosıpedterdiń kedergisiz ótýi úshin jıektastardy qaıta jasaý».

B.Sábdenov ýrbanıstıka sanatynda osy ıdeıany usynyp, balalar arbalarynyń, múmkindigi shekteýli azamattar men velosıpedshilerdiń júrip ótýine yńǵaıly bolý úshin kóshelerdiń, jaıaý júrginshiler joldarynyń, ǵımarattardyń, skverler men saıabaqtardyń belgili bir ýchaskelerinen kedergisiz ótýine múmkindik beretin jıekterdi arnaıy sezdermen jabdyqtaýdy usyndy.

Azamattardyń ıdeıalarymen jáne iske asyrylý barysymen Birge platformasyndaǵy «iske asyrý ıdeıalary» bóliminde tanysýǵa bolady.

Esterińizge sala keteıik, Birge platformasy «Nur-Sultan — jaıly qala» master-jospary aıasynda qalany damytýdaǵy jobalar pýlyn qalyptastyrý úshin qurylǵan. Munda mańyzy bar usynystar, daıyn sheshimderi bar qyzyqty ıdeıalar qarastyrylady.

Іske asyrylatyn ıdeıalardyń tolyq tizimin myna jerden kórýge bolady. Baılanys: 55 73 61. E-mail: digital@astana.kz.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT