+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Qus tumaýy boıynsha 113 mln teńgeden astam ótemaqy tólendi - QR AShM

2020 jylǵy 23 qazan 13:46
Bólisińiz:
Qus tumaýy boıynsha 113 mln teńgeden astam ótemaqy tólendi - QR AShM

NUR-SULTAN. QazAqparat – Elimiizde qus tumaýy boıynsha 113 mln teńgeden astam ótemaqy tólendi, dep habarlaıdy QazAqparat QR AShM baspasóz qyzmetine silteme jasap.

Eske salsaq, Qazaqstanda joǵary patogendi qus tumaýynan elimizdiń 7 oblysynda, ıaǵnı Aqmola, Shyǵys Qazaqstan, Jambyl, Qaraǵandy, Qostanaı, Pavlodar jáne Soltústik Qazaqstan oblystarynda qustardyń ólimi tirkelgen bolatyn. Eń kóp qanattylardyń ólimi SQO-da baıqaldy. Qazirgi ýaqytta jeke aýlalarda qustardyń ólimi tolyq toqtady dep

aıtýǵa bolady. Sońǵy 2 aptada jeke qosalqy aýlalarda jańa jaǵdaılar tirkelgen joq.

Jalpy, karantındi, dezınfektsııalaýdy, vaktsınatsııany jedel engizýdiń, sondaı-aq ólgen jáne aýrý qustarmen baılanysta bolǵan qustardy joıýdyń arqasynda aýrýdyń taralýy toqtatyldy. Qazir respýblıka boıynsha indetten ólgen qustardy joıý sharalary jalǵasýda, qus ıelerine ótemaqy tólenip jatyr.

Jeke qosalqy sharýashylyqtarda joǵary patogendi qus tumaýynyń saldarynan 26 547 bas, al úsh qus fabrıkasynda – 860 306 bas («Beskól qus fabrıkasy» JShS, «Agroınterptıtsa», «Adel-kýs») óldi.

Osylaısha, ólgen jáne joıylǵan qustyń úlesi Qazaqstandaǵy qustardyń jalpy sanynyń 1,8%-ynan aspaıdy. Aıta ketsek, elimiz boıynsha 46,7 mln qus tirkelgen.

«Veterınarııa salasyndaǵy normatıvtik quqyqtyq aktilerdi bekitý týraly» QR Aýyl sharýashylyǵy mınıstriniń 2014 jylǵy 30 qazandaǵy № 7- 1/559 buıryǵyna sáıkes oblys ákimdikterine 2020 jylǵy 7 qazanda ótemaqy alý úshin qus ósirýshilerge qujattar paketin qalyptastyrý úshin kómek kórsetý qajettiligi týraly hattar jiberildi.

Búginde QR AShM Veterınarııalyq baqylaý jáne qadaǵalaý komıtetiniń «Respýblıkalyq epızootııaǵa qarsy otrıad» RMM-si 28 864 bas qus úshin 113 mln teńgeden astam qarajat tóledi. Al, Soltústik Qazaqstan oblysynyń turǵyndaryna 15 693 bas qus úshin 74,5 mln teńgeden astam qarjy tólendi. Bul qus tumaýynan ólgen qustar úshin arnalǵan barlyq ótemaqy tólemderiniń 73%- na jýyǵyn quraıdy.

Aıta ketý kerek, qazirgi ýaqytta óndiriste 1 817 bas qus úshin tólem qujattary bar. Qujattardyń túsýine qaraı ótemaqylardy aýdarý jumysy jalǵasatyn bolady.

Resmı tirkeýsiz jáne komıssııalyq aktiler jasalmaı qus tumaýynan ólgen qanattylardyń óleksesi joıylǵan jaǵdaıda ótemaqy tólenbeıtinin atap ótken jón. Ótemaqy tólemderin alý tártibi týraly QR Aýyl sharýashylyǵy mınıstrligi qus ıelerine óziniń resmı saıty jáne buqaralyq aqparat quraldary arqyly aǵymdaǵy jyldyń 17 qyrkúıeginde málim etken bolatyn.

Buǵan deıin habarlanǵandaı, QR AShM Veterınarııalyq baqylaý jáne qadaǵalaý komıteti qustardy vaktsınatsııalaýǵa 7,7 mln doza vaktsına, onyń ishinde aqpan aıynda veterınarlyq is-sharalar jospary boıynsha qus tumaýyna qarsy vaktsınatsııalaýǵa 3,3 mln doza bólingen.

Vaktsınatsııalaý joǵarǵy patogendi qus tumaýy tirkelgen oshaqtarda, QR-nyń birqatar shekaralas oblystarynyń aýdandaryndaǵy qus sharýashylyqtarynda, qus fabrıkalarynyń aınalasynda 20 km radıýsta jáne qonys aýdaratyn jabaıy qustardyń baǵyty boıynsha júrgizildi.

4 tamyzda Reseı Federatsııasynda qus tumaýynyń joǵary patogendi vırýsynyń órshýine baılanysty QR AShM Veterınarııalyq baqylaý jáne qadaǵalaý komıteti Chelıabi oblysynan, al 26 tamyzda Omby oblysynan tiri qustardy, qus sharýashylyǵy ónimderin jáne ilespe taýarlardy alyp kelýge jáne olardyń tranzıtine shekteý engizdi.

QR AShM qus tumaýynyń qozdyrǵyshy Qazaqstan aýmaǵyna soltústikten ońtústikke qonys aýdaratyn jabaıy qustar arqyly kelgenin atap ótti.

2020 jyldyń qyrkúıeginde joǵary patogendi qus tumaýy álemniń 26 elinde anyqtaldy (barlyǵy 459 oshaq). Reseı Federatsııasynda 1,5 mıllıonnan astam qus qyryldy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT