Qurylysshylar qaýymdastyǵy Qazaqstandaǵy ıpotekalyq nesıe naryǵyna baǵa berdi
2022 jylǵy 31 naýryz 17:38

Qurylysshylar qaýymdastyǵy Qazaqstandaǵy ıpotekalyq nesıe naryǵyna baǵa berdi

NUR-SULTAN. QazAqparat – Qazaqstan qurylysshylary qaýymdastyǵynyń tóraǵasy Vıktor Mıkrıýkov ıpotekalyq kredıtteý naryǵyndaǵy jaǵdaı týraly aıtyp berdi, dep habarlaıdy QazAqparat.

«Búgingi tańda Qazaqstanda shaǵyn jáne orta tap úshin bir ǵana ıpoteka bar – «7-20-25» óz baspanasy joq adamdarǵa arnalǵan. Osy ıpoteka boıynsha jyl basynda qarjylandyrý 600 mlrd teńge boldy. Bul ıpoteka aıaqtalǵannan keıin áskerı, jaǵdaıy tómen jáne basqa sanattar úshin ıpotekalyq ónimder ǵana qalady. Orta deńgeıdegiler úshin ıpoteka joq. «Baspana Hıt» ıpotekasy naryqtan shyǵaryldy, óıtkeni kommertsııalyq bankter ıpoteka berýdi toqtatty. Bul jaqsy úrdis emes. Nátıjesinde jeke qurylys salýshylardyń ıpoteka paıyzy tómendeıdi», - dedi Vıktor Mıkrıýkov Nur-Sultandaǵy konferentsııada.

Spıkerdiń aıtýynsha, ıpotekalyq baǵdarlamalardyń jabylýyna baılanysty naryqta satylymnyń tómendeýi baıqalady.

«Bul jerde óńirler boıynsha úlken soqqy bolýy múmkin. Óńirlerde satyp alýshylardyń qarjylyq qamtylý máselesi kúrdelirek. Ipotekalyq baǵdarlamalarsyz, aımaqtyq ıpotekalyq baǵdarlamalarsyz qurylys jaǵdaıy aıtarlyqtaı nasharlaıdy. Qurylys ta toqtaýy múmkin. Qazir qarap otyrsaq, úsh óńir qurylystyń draıverleri bolyp otyr – Almaty, Nur-Sultan, Shymkent. Qalǵan qalalar salynyp jatqan joq, qandaı da bir serpindi damý joq», - dedi ol.

«Biz zeınetaqy jınaqtary boıynsha másele sheshilgenin kórip otyrmyz, biraq onyń turǵyn úı qunyna áseri asyra baǵalanǵan bolatyn. Sonymen qatar, ıpotekalyq baǵdarlamalar boıynsha usynys azaıady. Ipotekalyq baǵdarlamalar jabylyp jatyr. Qurylys salasyndaǵy «arzan» aqsha áldeqaıda az bolady jáne bul sáıkesinshe qurylys kompanııalaryna jáne baǵalarǵa keri yqpalyn tıgizedi», - dedi Vıktor Mıkrıýkov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT