+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qurylys materıaldarynyń baǵasy turaqtanady – Básekelestikti qorǵaý agenttigi

2021 jylǵy 10 maýsym 14:38
Bólisińiz:
Qurylys materıaldarynyń baǵasy turaqtanady – Básekelestikti qorǵaý agenttigi

NUR-SULTAN. QazAqparat – QR Básekelestikti qorǵaý jáne damytý agenttigi qurylys taýarlary naryǵyndaǵy jaǵdaıdy qatań baqylaýǵa aldy. Bul týraly agenttik tóraǵasy Serik Jumanǵarın málim etti, dep habarlaıdy QazAqparat.

«Qazirgi ýaqytta qurylys materıaldary naryǵynyń sýbektilerine buzýshylyq belgilerin joıý jáne baǵany tómendetý qajettigi týraly 26 habarlama jiberildi. Nur-Sultan qalasy (4), Túrkistan (3), Aqmola oblystarynda (3) kirpish óndirýshilerge 10 habarlama joldandy. Aqmola (2), Túrkistan (2), Jambyl (1) oblystarynda tsement óndirýshilerge 5 habarlama joldandy», - dedi S. Jumanǵarın búgingi Úkimet otyrysynda.

Armatýra óndirýshiler men jetkizýshilerge Pavlodar oblysynda – 8, Shyǵys Qazaqstan oblysynda – 3, Qostanaı oblysynda – 1 jáne Almaty qalasynda 1 habarlama jiberilgen.

Almaty oblysy boıynsha qıyrshyq tas óndirýshilerine 2 habarlama joldandy.

Al Aqmola oblysyndaǵy polıetılen qubyrlaryn óndirýshi 1 habarlama alǵan.

«Sondaı-aq, monopolııaǵa qarsy qyzmettiń zańdy talaptaryna qaramastan, aqparat berýden bas tartý faktileri oryn alýda. Qazirgi ýaqytta osy negiz boıynsha «Arselor Mıttal Temirtaý» AQ qatysty ákimshilik is qozǵaldy. Naryq qatysýshylaryna baǵa áserin kórsetý maqsatynda 10 qurylys materıalyn óndirýshilermen monopolııaǵa qarsy zańnama normalaryn saqtaý týraly komplaens jasaldy», - deıdi S. Jumanǵarın.

Qosymsha aqparat berý qorytyndylary boıynsha basqa da qurylys materıaldaryn óndirýshiler men jetkizýshilerge qatysty áreket etý sharalaryna bastama jasalmaq.

«Agenttik atalǵan taýar naryǵyndaǵy jaǵdaıdy qatań baqylaýǵa aldy. Jaqyn arada baǵa turaqtanatyn bolady», - dedi Serik Jumanǵarın.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT