«Quryltaı» mobıldi qosymshasy kúzde iske qosylady
2022 jylǵy 27 maýsym 18:50

«Quryltaı» mobıldi qosymshasy kúzde iske qosylady

NUR-SULTAN. QazAqpart – Ulttyq quryltaıdyń jańa zamandaǵy róli, maqsat-muraty nede? Onyń Ulttyq qoǵamdyq senim keńesinen aıyrmashylyǵy qandaı? Bul «Miras» respýblıkalyq qoǵamdyq keńesiniń kezekti otyrysynda talqylandy, dep habarlaıdy QazAqparat.

Óz kezeginde «Egemen Qazaqstan» AQ Basqarmasynyń tóraǵasy, «AMANAT» partııasy Saıası bıýrosynyń múshesi Darhan Qydyráli quryltaıdy ashyq qoǵamnyń taǵy bir kórinisi dep baǵalap, onyń ózge keńesý alańdarynan aıyrmashylyǵyn keńinen tarqatyp aıtty.

«Jańa Qazaqstannyń mindeti – ashyq azamattyq qoǵam qurý, ádiletti memleket ornatý, demokratııalyq úderisterdi júrgizý. Al quryltaı ashyq azamattyq qoǵamdy damytýǵa úlken úles qosady. Mundaǵy aıtylǵan pikirlerdiń barlyǵy eldiń muń-muqtajyn, halyqtyń tilegin jetkizýi tıis. Quryltaı – bul halyqtyq qurylym. Sondyqtan ony ashyq qoǵamnyń taǵy bir kórinisi dep aıtýǵa bolady. Bizde Parlament, Májilis, Senat, Assambleıa jáne basqa da minberler bar. Biraq quryltaı halyq ókilderiniń arasynan jınalǵandyqtan, halyqtyń sózin aıtatyn bıik minber bolady dep senemiz», dedi Darhan Qydyráli.

Alǵashqy quryltaıǵa 117 adam iriktelip alynǵany belgili. Degenmen, bul tizim aýysyp turady. Belsendi, halyq úshin, eldegi ortaq máselelerdi sheshý úshin úles qosamyn degen kez kelgen qazaqstandyq azamattyń bolashaqta osy keńeske qatysýǵa múmkindigi bar. Bul týraly «Bas redaktorlar klýby» respýblıkalyq qoǵamdyq birlestiginiń prezıdenti, Ulttyq quryltaı Tóraǵasynyń orynbasary Bıbigúl Jeksenbaı aıtty.

Onyń aıtýynsha, qazir «Quryltaı» dep atalatyn arnaıy mobıldi qosymsha jasalyp jatyr. Ol kúzde iske qosylady. Mobıldi qosymsha arqyly kez kelgen azamat óz usynysyn quryltaıǵa joldaı alady.

«Quryltaıdyń Ulttyq keńesten artyqshylyǵy munda aımaqtardaǵy keńesterdiń ókilderi qatysady. Jergilikti jerlerdegi máseleler de tys qalmaýy úshin arnaıy televızııalyq joba qolǵa alynady. Ol – «Habar» jáne «Qazaqstan» telearnalarynyń uıymdastyrýymen ótetin úlken baǵdarlama. ıAǵnı, Ulttyq quryltaı máselelerdi jylyna bir ret bolatyn jıynda talqylap qoımaı, úzdiksiz jumys isteıtin úlken alań bolady», dedi B.Jeksenbaı.

Óz kezeginde «Habar» agenttigi» AQ Basqarma tóraǵasy Berik Ýálı telearnada «Ulttyq quryltaı» dep atalatyn arnaıy telemarafon jáne Memleket basshysy aıtqan eńbek adamyna qurmetti nasıhattaý úshin arnaıy jobalar daıyndalyp jatqanyn jetkizdi.


Seriktester jańalyqtary

Jańalyqtar

Úrdis

MURAǴAT