+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Quryq teńiz portyna Ázerbaıjannan jańa parom keldi

2021 jylǵy 12 mamyr 12:11
Bólisińiz:
Quryq teńiz portyna Ázerbaıjannan jańa parom keldi

AQTAÝ. QazAqparat - Quryq portyna kelip jetken Ro-Pax tıpti jańa «Ázerbaıjan» teńiz kóligi «Alıat – Quryq» baǵyty boıynsha alǵashqy synaǵyn sátti ótkizdi, dep habarlaıdy QazAqparat tilshisi.

Kórshiles memlekettiń kemesin Quryq portynyń bas dırektory Serik Ahmetov bastaǵan port ákimshiligi jáne Mańǵystaý oblysy ákiminiń orynbasarlary Abzal Meńdibaev, Bekbol Orynbasarov jáne Aqtaý, Baýtın porttary teńiz ákimshiliginiń basshysy Nurbol Ermanov qarsy aldy.

«Bul - bizdiń port úshin tarıhı kún. Atalǵan parom – jańa tıptes, jańa standarttar boıynsha qurastyrylǵan ózgeshe sıpattaǵy keme. Buǵan qosa, jolaýshylardyń qolaılylyǵy úshin aıryqsha jaǵdaı jasalǵan. Bul Ázerbaıjan men Qazaqstan arasyndaǵy paromdy baılanysty damytýǵa zor úles qosady dep oılaımyn»,- dep atap ótti «Quryq porty» JShS bas dırektory Serik Ahmetov.

Ro-Pax tıpti kemelerdiń uzyndyǵy - shamamen 154,5 metr, eni - 17,7 metr jáne bıiktigi - 7,5 metr. Ekıpajy 30 adam bolatyn kemeler 14 torap jyldamdyǵymen júze alady.

«Ázerbaıjan» paromynyń bortynda 40 júk jáne túrli júkter tıelgen 19 jeńil avtokólik bar. Ekıpaj - 28 adam, sondaı-aq 47 jolaýshy keldi.

RO-Pax tıpindegi jańa kemeler júk kótergishtigi Kaspııdegi paromdarǵa qaraǵanda úlken. Bul bir mezgilde 100 jolaýshyny, 56 vagon-tsısternany nemese 50 aýyr júk kóligin tasymaldaýǵa shamasy keledi.

Quryq portyn paıdalaný bastalǵannan beri 2 myńnan astam keme kirgizilgen, 6 mln tonnadan astam júk tıelgen. Qazirgi ýaqytta port arqyly qazaqstandyq astyq, kómir, munaı ónimderi, tyńaıtqysh, hımıkattar eksporttalady.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT