Qurlyqtyq hokkeı lıgasy: «Barys» «Ak Barstan» basym tústi
2021 jylǵy 7 jeltoqsan 00:58

Qurlyqtyq hokkeı lıgasy: «Barys» «Ak Barstan» basym tústi

NUR-SULTAN. QazAqparat - «Barys» búgin Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizdi, dep habarlaıdy QazAqparat tilshisi.

Kezdesý barysynda qazaqstandyq hokkeıshiler senimdi bastady. Dese de birinshi kezeńde esep ashylǵan joq.

Ekinshi kezeńde 21-mınýtta ıAkob Lılıa kózdegen nysanadan múlt ketpeı, «Barys» komandasyn alǵa shyǵardy. Reseılik klýb budan keıin tarazy basyn teńestirýge umtylǵan edi. Soǵan qaramastan tablodaǵy esep ózgerissiz qaldy.

Úshinshi kezeńde «Barys» basymdyǵyn arttyra tústi. Qazaqstandyq klýb sapynan Arkadıı Shestakov 50-mınýtta qarsylastar qaqpashysyn qapy qaldyryp ketti. Oıynnyń 58-mınýtynda «Ak Bars» sapynan Dmıtrıı Voronkov esep aıyrmasyn qysqartty.

Kezdesýde «Barys» qarsylasynan 2:1 esebimen basym tústi.

Endi «Barys» 9 jeltoqsanda elordada Reseıdiń «Sochı» komandasyn qabyldaıdy.

Aıta keterligi, eki komanda arasynlaǵy sońǵy tórt kezedsýde qazaqstandyq klýb atalǵan qarsylasyna ese jiberip qoıǵan edi.

Eske salsaq, «Barys» budan buryn Reseıde «Neftehımık» (Nıjnekamsk) komandasynan basym tústi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT