Kúres túrlerinen Italııa týrnıriniń alǵashqy kúni: Qazaqstan qorjynynda – 7 medal

RIM. QazAqparat - Italııanyń Rım qalasynda «Matteo Pellıkone» reıtıngilik týrnıriniń alǵashqy jarys kúni aıaqtalyp, Qazaqstan qorjyny birneshe medalmen tolyqty, dep habarlaıdy QazAqparat Olympic.kz saıtyna silteme jasap.

Uqsas jańalyqtar

ıÝsýp Batyrmurzaev kúres túrlerinen Olımpıadaǵa joldama aldy

Nursultan Tursynov grek-rım kúresinen Azııa irikteý týrnıriniń jeńimpazy atandy

Atap aıtar bolsaq, 55 kelidegi Horlan Jaqansha týrnırdiń kúmis júldegeri atandy. Fınalda Horlan reseılik Vıktor Vedernıkovke 1:11 esebimen jol berdi.

60 kelidegi Janserik Sársenbıev kishi fınalda amerıkalyq sportshyny jeńip, úzdik úshtikke endi.

63 kelide qazaqstandyq balýandar Sultan Ásetuly men Aıdos Sultanǵalı kúresýi tıis bolǵan. Alaıda, Sultan jasy úlken komandalas aǵasy Aıdosqa óz jolyn berip, beldesýden bas tartty. Osylaısha, Aıdos Sultanǵalı týrnır jeńimpazy, al Sultan Ásetuly kúmis medal ıegeri atandy.

67 kelide Almat Kebispaev qolaǵa qol sozdy. Ol úshinshi oryn úshin kúreste túrkııalyq balýandy utty. Osy salmaqtyń fınalynda synǵa túsken Meıirjan Shermahanbet vengrııalyq Met Krasznaıdy 12:2 esebimen jeńip, el qorjynyna altyn medal saldy.

Sondaı-aq, 97 kelidegi Oljas Syrlybaı chehııalyq balýandy 9:0 esebimen utyp, týrnırdiń qola júldesin ıelendi.

Osylaısha, alǵashqy jarys kúninde grek-rım kúresinen Qazaqstan komandasy eki altyn, eki kúmis jáne úsh qola medal jeńip aldy.