Kúres túrlerinen ÁCh: Nurǵalı Nurǵaıypuly «qolaǵa» talasady

NUR-SULTAN. QazAqparat - Búgin kúres túrlerinen elordada ótip jatqan álem chempıonatynda erkin kúresten Nurǵalı Nurǵaıypuly qola medalǵa talasý múmkindigine ıe boldy, dep habarlaıdy QazAqparat tilishi.

Uqsas jańalyqtar

Qazaq kúresinen álem chempıonatyna 40-tan asa eldiń palýandary qatysady

UWW elordada ótken kúresten álem chempıonatyn joǵary baǵalady Kúresten ÁCh: Olımpıada joldamasyn 22 eldiń balýandary aldy Erkin kúresten taǵy bir balýan Olımpıada joldamasyn jeńip aldy

92 kelide baq synap jatqan balýanymyz Nurǵalı keshe irikteý kezeńiniń shırek fınalynda amerıkalyq Djeıden Koksqa ese jibergen bolatyn. Óz kezeginde Djeıden fınalǵa joldama alyp, qazaq balýany jubanysh beldesýine múmkindik aldy.

Osylaısha, ol búgin jubanysh beldesýinde aljırlik Mohammad Fardjıdi 7:4 esebimen jeńdi. Endi, ol qola medal úshin ótetin kezdesýde grýzııalyq balýanmen beldesedi.

Búgin, sondaı-aq, 61 kelide Rasýl Qalıev, 79 kelide Ǵalymjan Óserbaev, 86 kelide Azamat Dáýlembaev, 97 kelide Álisher Erǵalı Qazaqstan namysyn qorǵap jatyr. Bul balýandar arasynan Álisher Erǵalı Olımpıadaǵa joldama jeńip alǵanyn jazdyq.

Al Rasýl Qalıev alǵashqy aınalymda Aljır balýanyn 11:0 esebimen utsa, ekinshi beldesýde qyrǵyzstandyq qarsylasyn 8:4 esebimen jeńdi. Ókinishke qaraı, shırek fınalda ol úndistandyq balýanǵa 7:10 esebimen jol berdi.

79 kelidegi Ǵalymjan Óserbaev birinshi beldesýde ızraıldik qarsylasynan 10:0 esebimen, keıin rýmynııalyq sportshyny 4:1 esebimen jeńip, shırek fınalǵa jetti.

Ókinishke qaraı úshinshi beldesýinde Ázerbaıjan balýany Hasanovtan aılasyn asyra almady.

Sondaı-aq, 86 kelidegi Ádilet Dáýlembaev birinshi aınalymnan ary asa alǵan joq.