+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Quny 18 mln teńge bolatyn avtotıegishti aıdap áketken kúdiktiler ustaldy

2021 jylǵy 25 qyrkúıek 18:39
Bólisińiz:
Quny 18 mln teńge bolatyn avtotıegishti aıdap áketken kúdiktiler ustaldy

NUR-SULTAN. QazAqparat – «Baıqońyr» aýdandyq polıtsııa basqarmasynyń krımınaldyq polıtsııa qyzmetkerleri quny 18 mln teńge bolatyn «LW 300 KN» markaly avtotıegishti aıdap áketken 2 kúdiktini ustady, dep habarlaıdy QazAqparat tilshisi.

Uqsas jańalyqtar
ShQO-da zańsyz ań aýlaǵan 20 adam jaýapqa tartyldy ShQO-da kásipkerden 30 mln teńge bopsalaǵan qylmystyq top múshesi ustaldy Atyraýda alaıaq ýnıversıtetke aqysyz túsiremin dep úsh adamnyń 1,2 mln teńgesin alǵan

Nur-Sultan qalalyq polıtsııa departamentiniń málimetinshe, quqyq qorǵaý organdaryna jaýapkershiligi shekteýli seriktesterdiń biriniń júrgizýshisi júginip, túngi ýaqytta Alash tasjoly boıynda qaldyrǵan avtotıegishiniń urlanǵanyn habarlaǵan. Onyń aıtýynsha, jumystan keıin kóligin jol boıyna qaldyryp, úıine ketken. Al tańerteń kóliktiń urlanǵanyn bilip, polıtsııaǵa júgingen.

«Jedel izdestirý is-sharalary barysynda polıtsııa qyzmetkerleri kólikti aıdap áketý kúdigimen qalanyń 29 jastaǵy 2 turǵynyn ustady. Qaskúnemder ıesiz kólikti baıqap, jaqyn mańda beınekameralardyń jáne bógde adamdardyń joqtyǵyn paıdalanyp, avtotıegishti aıdap áketken. Kúdiktiler urlanǵan kólikti tún ýaqytynda qala mańyndaǵy aýyldardyń birine jasyrǵan. Olar avtotıegishti basqa qaladaǵy satyp alýshyǵa 6 mln teńgege saýdalamaq bolǵan. Bul úshin olar uzyn ólshemdi júk kóliginiń júrgizýshisimen avtotıegishti tasymaldaýǵa ýaǵdalasqan», - dep atap ótedi departamentten.

Vedomstvo aqparatyna sáıkes, qazirgi ýaqytta atalǵan fakti boıynsha qylmystyq is qozǵaldy. Kúdiktiler qalalyq polıtsııa departamentiniń ýaqytsha oqshaýlaǵyshyna qamaldy. Olardyń elorda aýmaǵynda jasalǵan osyndaı qylmystarǵa qatysy tekserilip jatyr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT