+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Kúnásiz bala jetimder úıine ketkende júregim shydamady– polıtsııa podpolkovnıgi Sánııa Mustafına

2020 jylǵy 4 jeltoqsan 12:54
Bólisińiz:
Kúnásiz bala jetimder úıine ketkende júregim shydamady– polıtsııa podpolkovnıgi Sánııa Mustafına

ALMATY. QazAqparat – Almaty Polıtsııa departamenti Tergeý basqarmasynyń aǵa tergeýshisi, polıtsııa podpolkovnıgi Sánııa Mustafına qyzmet babynyń qıyndyqtary jaıynda aıtyp berdi, dep habarlaıdy QazAqparat tilshisi.

Polıtsııa podpolkovnıgi ishki ister organdarynda qyzmet etip júrgenine 18 jyldyń júzi bolǵan.

Osy mamandyqqa bala kezinen qyzyǵýshylyq tanytqan.

«2002-206 jyldary QR ІІM Akademııasynda bilim aldym. 2006 jyly oqý bitirisimen Almaly aýdandyq PB anyqtaý bólimine jumysqa turdym. Polıtsııanyń qyzyǵy men shyjyǵy mol qyzmetinde júrgenimde «qańǵyǵan» oq tıip anyqtaý bóliminen aýystym. 4 aıǵa sozylǵan emnen soń tergeýshi bolyp jolymdy bastadym. Negizi, bala kezimnen armanym – tergeýshi bolý edi», - dedi Sánııa Mustafına.

Keıipker polıtsııa qyzmetine názik jandylar mineziniń qattylyǵynan nemese bılikke umtylystan kelmeıtindigin aıtady. Eń aldymen, adamgershilik, ádilettilik ornatýdy maqsat tutatynyn jetkizdi. 18 jylda Sánııa túrli qylmystyq oqıǵalardy kórgen, olardy ashýǵa, aıyptylardy tabýǵa tyrysqan.

«Byltyr týǵanyna 40 kún bolǵan balasyn satqan áıeldi ustadyq. Adamnyń amoraldy ómir súrýine barshylyq nemese joqshylyq áser etpeıdi eken. Oǵan taǵy da kózim jetti. Áıel óte baqýatty otbasynan shyqqan. Іsher as, kıer kıimnen kende bolmaǵan. Alaıda, qyz kúninen úıinen ketip, syrtta júrip bala týǵan. Ol balany ata-anasy baǵyp alǵan. Bir-eki jyldan soń taǵy úıden bezedi. Keıin syrtta júrip ekinshi balasyn týady. Sol balany áıel satpaqshy bolǵan. Ustaý kezinde oqıǵa ornyna bardyq. Saraptama taǵaıyndadym. DNQ test júrgizdik. Bala men anadan epıtelıı alyndy. Sol túni bala jetimder úıine rásimdeldi. Men neshe túrli zorlyq, adam ólimi degen sııaqty qylmysty kórdim. Biraq, kinásiz sábıdińń eshkimge keregi bolmaı qalǵan kezde kóz jasyma erik berdim» - dedi polıtsııa podpolkovnıgi Sánııa Mustafına

Sánııanyń tájirıbesinde asa aýyr qylmystar da bolǵan.

«Bıyl 2 er adam bir adamdy qasaqana óltirip, «trofeı» retinde saýsaǵyn kesip alǵan. Osy qylmysty teksergende barynsha muqııat bolýǵa tyrystyq. Saraptama taǵaıyndap, olardyń júrisin vıdeo arqyly baqyladyq. Kýágerlerdi izdedik. Nátıjesinde 4 aıǵa sozylǵan tergeýden soń, eki kúdiktige sot 18 jyldan bas bostandyǵynan aıyrý týraly úkim shyǵardy», - dedi Sánııa Mustafına.

Onyń aıtýynsha, qyzmet babynyń taýqymetin otbasyna kórsetpeýge tyrysady.

«Biz osy negatıvti nárselerdi boıymyzdan, júregimizden ótkizbeýge tyrysamyz. Meniń otbasym bar, eki balam bar. Shamam jetkenshe otbasyma da kóńil bólýge tyrysamyn. Joldasym da tergeý basqarmasynda jumys istegen. Qazir – ІІM zeınetkeri. Meniń qyzmet babynda jetken jetistikterimniń kópshiligi sol kisiniń arqasy. Balalarym da biz sııaqty ata jolyn qýyp, tergeýshi bolamyz deıdi», - dedi S.Mustafına.

Polıtsııa podpolkovnıgi jas leıtenanttarǵa mamandyǵyn qaltqysyz súıýge keńes berdi.

«Bizdi bul mamandyqta ustap turatyn birinshi kezekte – ádilettilik, qylmysqa tózbeýshilik, adamgershilik sııaqty úlken qasıetter. Eger osy qasıetter bolmasa, basqasynan paıda joq. Óz mamandyqtaryńyzdy súıińizder», - dedi ol. Kólikte otyryp kóz jasyma erik berdim», - deıdi S.Mustafına.



Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT