Jańalyqtar  >
«Kúmis qalam» respýblıkalyq jas aqyndar baıqaýynyń jeńimpazdary anyqtaldy
2022 jylǵy 10 tamyz 15:42

«Kúmis qalam» respýblıkalyq jas aqyndar baıqaýynyń jeńimpazdary anyqtaldy

ShYMKENT. QazAqparat – Shymkent qalasynda ótken «Kúmis qalam-2022» respýblıkalyq poetıkalyq baıqaýynyń jeńimpazdary anyqtaldy, dep habarlaıdy QazAqparat tilshisi.

Konkýrsqa elimizdiń ári óńirinen kelgen 16 aqyn qatysty. Baıqaý nátıjesi boıynsha, «Kúmis qalam-2022» poetıkalyq dýeliniń bas júldesin shymkenttik jazba aqyn Araılym Muratálıeva jeńip aldy. Al, «Esenǵalı Raýshanov» atyndaǵy arnaıy júldeni qostanaılyq Dáýlet Jadyrasyn ıelendi. «Ábilda Aımaq» atyndaǵy júlde Aqbota Beıbitbekke (Shymkent qalasy), «Tynyshbek Rahym» atyndaǵy syılyq Arýjan Oralbaıǵa (Jezqazǵan qalasy) buıyrdy. Sonymen qatar, «Toqash Berdııarov» júldesin Aqjol Túmenbaı (Qyzylorda oblysy) jeńip aldy.

«Baıqaý úsh kezeń boıynsha ótti. Birinshi týrda aqyndar Shymkentke, ońtústik óńirge arnaǵan óleńderin oqydy. Keıin ekinshi kezeńde jerebe arqyly eki aqyn poetıkalyq dýelge shyqty. Osydan iriktelgen 6 aqyn fınalǵa joldama aldy. Dýeeldiń bir ereksheligi – munda óleńniń ádemi bolýymen qatar, ony naqyshyna keltire jetkizý, sahna mádenıeti sııaqty ónerpazdyń qyrlary eskeriledi. Sonymen birge, qarsylasyń oqyǵan óleń taqyrybyna saı, oǵan sol tóńirektegi ózińniń shyǵarmańmen jaýap berýiń kerek. Baıqaý osyndaı erejeleri arqyly jas qalamgerlerdiń jańa múmkindikterin asha bildi dep oılaımyn», - dedi baıqaý júldegeri, Qazaqstan jazýshylar odaǵynyń múshesi Dáýlet Jadyrasyn.

Qalam ustaǵan jastardyń týyndylaryna aqyn Qalqaman Sarın, QR Eńbek sińirgen qaıratkeri Hanbıbi Esenqaraqyzy jáne QR jazýshylar odaǵynyń múshesi Baqytjan Aldııar joǵary baǵa berdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT