+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qumar Aqsaqalov jumysyn aqsatqan aýdan ákimderin jazaǵa tartýdy usyndy

2019 jylǵy 15 qazan 12:14
Bólisińiz:
Qumar Aqsaqalov jumysyn aqsatqan aýdan ákimderin jazaǵa tartýdy usyndy

PETROPAVL. QazAqparat – Soltústik Qazaqstan oblysynda óńir basshysy Qumar Aqsaqalov ózderine júktelgen mindetterdi sylbyr atqarǵan aýdan ákimderin jazaǵa tartýdy usyndy. Jarty jyldyqtyń qorytyndysy boıynsha úsh aýdan ákimi sógis alǵan bolatyn, dep habarlaıdy QazAqparat tilshisi.

Uqsas jańalyqtar
Qapshaǵaı qalasynyń ákimine qatań sógis jarııalandy Elorda ákimi kommýnaldyq qyzmetterdiń qysqa daıyndyǵyn tekserdi Baǵdat Manzorov eńbek demalysyna shyqty

SQO ákimi baspasóz qyzmetiniń málimetinshe, óńirdiń 9 aıdaǵy áleýmettik-ekonomıkalyq damý kórsetkishteriniń qorytyndylary talqylanǵan ákimdik otyrysy ótti. Aýyl sharýashylyǵynda ósim bar, mal ónimi 103,2% artqan. Bordaqylaý alańdary jáne eksportqa baǵyttalǵan sút fermalary salynyp jatyr. Alaıda qaıta óńdeý salasyna kóńil bólgen jón. Oblystyń keı aýdandarynda bul jumystar aqsap jatyr.

«Aýyl sharýashylyǵy ónimderin qaıta óńdeý bizde ázirshe durys damymaǵan. Basym bóligi shıkizatqa ketedi», - dedi SQO ákimi Qumar Aqsaqalov.

Oblysqa ótken toǵyz aıda 152 mlrd teńge ınvestıtsııa quıyldy. Jyl sońyna deıin jalpy 240 mlrd teńge tartý kózdelgen, ósim 9 % bolmaq.

«Jyl basynda 9%-ke arttyramyz degen mejemiz boldy. Іs júzinde odan da kóp bolýy qajet. Bir apta buryn arnaıy ekonomıkalyq aımaqty qurdyq. Ol óz nátıjesin berýi tıis. Kópsalaly, ári eksportqa jumys isteıtinderge kóp jeńildikter qarastyrylǵan. Qazirdiń ózinde bıznes ókilderi tarapynan qyzyǵýshylyq bar», - dedi óńir basshysy.

Qurylys salasynda jumys kerisinshe sylbyr. Jyl basynan 57,9 mlrd teńgeniń jumysy atqarylǵan. Bul ótken jyldyń osy merzimimen salystyrǵanda 98,2% tómen. Keı aýdandar kórsetkishterdi oryndamaı otyr.

«Aqsha bólinýde, nátıje joq. Birinshi jarty jyldyqtyń qorytyndysy boıynsha kórsetkishterge qol jetkizbegen aýdan ákimderi sógis aldy. 9 aı boıynsha da apparat tıisti usynystardy jasasyn. Qaıta jaza alsa, «bul laýazymyna sáıkes emes» degendi bildiredi. Bul jaǵdaıda qyzmetinen ketý týraly aryzdy jazýlary tıis. Bul basqarmalarǵa da qatysty», - dedi Qumar Aqsaqalov.

Eske sala keteıik, 6 aıdyń qorytyndysy boıynsha áleýmettik-ekonomıkalyq kórsetkishterdi oryndamaǵan Shal aqyn, Jambyl jáne Mamlıýt aýdandarynyń ákimderi sógis alǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT