«Qum batareıalary» taza energııanyń negizgi problemasyn sheshe alady
2022 jylǵy 6 shilde 18:49

«Qum batareıalary» taza energııanyń negizgi problemasyn sheshe alady

NUR-SULTAN. QazAqparat – Fınlıandııada álemdegi alǵashqy qum batareıasy iske qosyldy, dep habarlaıdy QazAqparat VVS aqparat agenttigine silteme jasap.

Ol energııany kún, jel jáne basqa da jańartylatyn kózderden birneshe aı boıy saqtaýǵa múmkindik beredi.

Tehnologııany ázirleýshiler bul ónertabystyń jasyl energetıkanyń qarqyndy damýy jolynda turǵan basty másele – maýsymdyq sıpatyn sheshetinine úmittenedi.

Batareıanyń jumys isteý prıntsıpi qarapaıym: arzan túsetin kún jáne jel energııasy las qummen toltyrylǵan basseındi jylytý úshin paıdalanylady.

Qumdy shamamen 500 °C temperatýraǵa deıin qyzdyrýǵa bolady jáne onyń joǵary jylý syıymdylyǵy oǵan energııanyń negizgi úlesin saqtaýǵa múmkindik beredi. Keıinirek ony qysta, jylýǵa suranys artqan kezde jáne onymen birge baǵa kóterilgende turǵyn úılerdi jylytýǵa paıdalanýǵa bolady.


Uqsas jańalyqtar

Jańalyqtar

Úrdis

MURAǴAT