Qulja tasjolyndaǵy jolaıryqtyń qurylysy bıyl aıaqtalady - Dosaev
2022 jylǵy 30 maýsym 10:41

Qulja tasjolyndaǵy jolaıryqtyń qurylysy bıyl aıaqtalady - Dosaev

ALMATY. QazAqparat - Túrksib aýdanyndaǵy 7 kóshege 5 shaqyrym trotýar salynady. Bul týraly Almaty qalasy ákimi Erbolat Dosaev turǵyndarmen kezdesýi barysynda aıtty, dep habarlaıdy QazAqparat tilshisi.

«Jol ınfraqurylymy qanaǵattanarlyq jaǵdaıda. Aýdanda 486 kósheniń 439-y nemese 90%-ti asfalttalǵan. Osy jyly qalǵan 47 kósheden 10,2 km 17 kóshege jol tóseminsiz ortasha jóndeý jumysy júrgiziledi», – dedi Erbolat Dosaev.

Al Qaırat jáne Álmerek shaǵynaýdanyna 2 jyldyń ishinde sýmen jabdyqtaý jelileri salynyp, asfalt tóseledi.

«2022 jyldyń jeltoqsan aıynda Qulja kúre joly – Buqtyrma kóshesiniń qıylysyndaǵy kólik jolaıryǵynyń qurylysy aıaqtalady. Bıyl 7 kóshege 5 shaqyrym trotýar salynady. 65 kóshege taǵy 53 km trotýar qajet. Bul jumystar jalǵasatyn bolady», – dedi ol.

Sondaı-aq jaıaý júrginshilerdiń Rysqulov dańǵyly men Erjanov kóshesiniń boıyndaǵy magıstraldy temir jol ýchaskesin qaýipsiz kesip ótýi úshin qyrkúıek aıynda 2 jerústi ótkelin salýǵa memlekettik saraptama alynady.

Jumystar 2023 jyldyń birinshi toqsanynda bastalady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT