Qýǵynnan qashyp, birneshe ret apattyq jaǵdaı týǵyzǵan júrgizýshige 500 myń teńge aıyppul salyndy

AQTÓBE. QazAqparat – Aqtóbe polıtsııasy kóligi maıysyp, jaramsyz kúıge túsken júrgizýshini toqtatpaq bolǵan. Polıtsııany kórgen sátte baǵytyn ózgertip, qashýǵa árekettengen qyzylordalyq bir saǵattan soń ustaldy, dep habarlaıdy QazAqparat tilshisi.
Patrýldik polıtsııa qyzmetkerleri qoǵamdyq tártipti jáne jol qaýipsizdigin qorǵaý qyzmetin maqsatynda qala kóshelerinde reıd júrgizdi. Olar Aqtóbe qalasyndaǵy Gastello men Jıenbaev kósheleriniń qıylysynda aldyńǵy bamperi maıysqan «Toıota-Kamrı» avtokóligin baıqaǵan. Polıtseıler bul kólik júrgizýshisi jol-kólik oqıǵasyn jasap, qashyp ketýi múmkin degen kúdikpen daýys zoraıtqysh qurylǵy arqyly toqtaýyn surady.
«Sheteldik nómiri bar kólik júrgizýshisi polıtsııa qyzmetkerleriniń eskertýin elemeı, Novorossıısk aınalma joly baǵytynda izin jasyrmaq bolǵan. Qýǵynnan qashýǵa áreket jasaǵan kezde «Toıota Kamrı» avtokóliginiń júrgizýshisi jol qozǵalysynyń basqa qatysýshylaryna qaýip tóndirdi. Sondaı-aq Aqjar aýyly mańyndaǵy temirjol ótkelinde baǵdarshamnyń tyıym salatyn sıgnalyna qaramaı, ótip ketti. Qýalaý shamamen bir saǵatqa sozyldy jáne Hromtaý aýdany, Qudyqsaı kentiniń mańynda kóliktiń júrgizýshisi men jolaýshysy toqtap, shamdardy sóndirip, qashyp ketýge tyrysqan. Patrýldik polıtsııa 35 jastaǵy júrgizýshi men onyń jolaýshysyn ustady. Tekserý barysynda júrgizýshiniń mas kúıinde rýlge otyrǵany úshin bes jylǵa kólik júrgizý quqyǵynan aıyrylǵany anyqtaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aıta keteıik, júrgizýshi №3 qalalyq polıtsııa bólimine jetkizildi. QR jol qozǵalysy erejesin buzǵany úshin shamamen 6 hattama toltyrylyp, 500 myń teńge aıyppul salyndy.
- Aqtóbe oblysynda 100-ge jýyq bala koronavırýs juqtyrdy
- Elordada BMW 4 jasar sábıdi qaǵyp, mert qyldy
- Petropavlda meıramhana órtenip, adamdar evakýatsııalandy
- Qorǵanys mınıstrligi joıǵysh ushaq apatyn tekseredi
-
Elordada er adam «Tapsyryspen adam óltirý» degen jazýy bar kólikpen júrgen
-
ShQO-da sýǵa ketken balyqshynyń denesi tabyldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam