Jańalyqtar  >
Qýanysh Erǵalıev QR Ǵylym jáne joǵary bilim vıtse-mınıstri boldy
2022 jylǵy 17 tamyz 17:40

Qýanysh Erǵalıev QR Ǵylym jáne joǵary bilim vıtse-mınıstri boldy

NUR-SULTAN. QazAqparat - QR Úkimetiniń qaýlysymen Qýanysh Asylhanuly Erǵalıev QR Ǵylym jáne joǵary bilim vıtse-mınıstri laýazymyna taǵaıyndaldy. Bul týraly QR Premer-Mınıstriniń baspasóz qyzmetinen málim etti, der habarlaıdy QazAqparat.

Qýanysh Erǵalıev 1982 jyly Shyǵys Qazaqstan oblysynda dúnıege kelgen.

Qazaq ulttyq medıtsına ýnıversıtetin, Týleın ýnıversıtetin, «Qaztutynýodaǵy» Qaraǵandy ekonomıkalyq ýnıversıtetin, Garvard ýnıversıtetin támamdaǵan.

Eńbek jolyn 2006 jyly Almaty qalasyndaǵy jedel medıtsınalyq járdem stantsııasynda feldsher bolyp bastady.

2009-2014 jyldary QR Densaýlyq saqtaý mınıstrliginde túrli laýazymdardy atqardy.

2014-2019 jyldary — Nazarbaev Ýnıversıteti Integratsııalanǵan akademııalyq densaýlyq saqtaý júıesi departamentiniń aǵa menedjeri.

2019-2021 jyldary Súleıman Demırel atyndaǵy ýnıversıtet rektory qyzmetin atqardy.

2021 jyldyń maýsymynan bastap QR Bilim jáne ǵylym vıtse-mınıstri boldy.

Buǵan deıin QR Ǵylym jáne joǵary bilim mınıstri Saıasat Nurbektiń taǵy bir orynbasary taǵaıyndalǵan bolatyn.

Foto: gov.kz






Uqsas jańalyqtar
Seriktester jańalyqtary

Jańalyqtar

Úrdis

MURAǴAT