+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qýańshylyq: Qyzylorda oblysyna mal azyǵy úshin Úkimet rezervinen 1,7 mlrd teńge bólindi

2021 jylǵy 29 shilde 01:26
Bólisińiz:
Qýańshylyq: Qyzylorda oblysyna mal azyǵy úshin Úkimet rezervinen 1,7 mlrd teńge bólindi

QYZYLORDA. QazAqparat - Aýyl sharýashylyǵy mınıstriniń mindetin atqarýshy Erbol Qarashókeev Qyzylorda oblysyna keldi. Bul týraly QazAqparat AShM silteme jasap habarlaıdy.

Uqsas jańalyqtar

Eń aldymen qurǵaqshylyqtan zardap shegip, tótenshe jaǵdaı jarııalanǵan Aral aýdanyna at basyn buryp, jergilikti halyqpen jáne sharýashylyq basshylarymen kezdesti. Onda memleket tarapynan kórsetilip jatqan kómekterge toqtalyp, aımaqtaǵy mal azyǵy máselesiniń sheshilý joldaryn pysyqtady.

Mınıstrdiń mindetin atqarýshy mal azyǵymen qamtamasyz etý máselelerin sheshýdi jyldam úılestirý úshin Aýyl sharýashylyǵy mınıstrligi janynan Respýblıkalyq jedel shtab qurylǵanyn aıta kelip, mınıstrliktiń bastamasymen Úkimet deńgeıinde iske asyrylatyn sharalardy atady.

«Birinshiden, Úkimet rezervinen Qyzylorda oblysyndaǵy qurǵaqshylyqtan zardap shekken sharýalardyń qystaǵyna jetkiziletin mal azyǵynyń qunyn arzandatý úshin ótken aptada 1,7 mlrd teńge bólindi. Qazir osy qarajatty barlyq sharýa qojalyqtaryna tamyz aıynyń ishinde jetkizý qajet. Ekinshiden, Azyq-túlik kelisimshart korporatsııasy 490 tonna arpany naryqtaǵydan tómen baǵamen satty. Jalpy bıyl jemdik astyq qoryn 370 myń tonnaǵa jetkizý josparymyzda bar. Úshinshiden, fermerlerdiń jem-shóp daıyndaýyna qosymsha arzandatylǵan janar-jaǵarmaı bólinetin boldy. Qazir energetıka mınıstrligimen barlyq máseleler pysyqtaldy. Tamyz aıynan bastap oblystarǵa suratylǵan lımıtteri boıynsha jetkiziletin bolady. Qyzylorda oblysyna 3,8 myń tonna lımıt bólindi», - dedi E.Qarashókeev

Mınıstrlik basshysynyń aıtýynsha, Ekologııa mınıstrligimen tabıǵı rezervat jerlerine mal jaıý jáne shóp shabý jóninde kelisim jasaldy. Osyǵan baılanysty qoryqtar jerinen shóp shabý jáne mal jaıý máselesi sheshildi. Sonymen qatar, qazirgi jaǵdaıǵa baılanysty fermerlerge qoldaý kórsetý úshin mal sharýashylyǵyn damytýǵa alǵan nesıe tólemderin keıinge shegerý jóninde sharalar qabyldanady.

« Budan bólek, mınıstrlik tarapynan jaqynda mal sharýashylyǵyn sýbsıdııalaý erejesine engizilgen ózgeristerge sáıkes oblys boıynsha byltyrǵy jyly mal azyǵyna sýbsıdııa ala almaı qalǵan sharýa qojalyqtarynyń rezervtegi ótinimderi qanaǵattandyrylatyn boldy. Bul maqsatqa oblys bıýdjetinen 390 mln tg qarajat ta bólingen. Osy másele boıynsha aýyl sharýashylyǵy basqarmasy tez arada sheshim qabyldaýy qajet. Sodan keıin, basqa óńirlerden mal azyǵyn tasymaldaýǵa temir jol tarıfine arnaıy jeńildikter berý boıynsha Qazaqstan temir joly kompanııasynyń sheshimi shyqty «, - dedi mınıstrdiń mindetin atqarýshy.

Taǵy bir aıta ketetin jaıt, Aýyl sharýashylyǵy mınıstrligi men «Báıterek» holdıngi birlesip qosymsha mal azyǵyn daıyndaıtyn tehnıka satyp alýdy qarjylandyrý jáne sýarmaly jerdi ıgerýge qajet qurylǵylardy satyp alýǵa nesıe berý máselesin de qarastyratyn bolady.

E.Qarashókeevtiń aıtýynsha, jalpy Qyzylorda oblysy boıynsha mal azyǵymen qamtamasyz etý úshin ishki múmkindikti tolyq paıdalanyp jaǵdaıdy sheshýge bolady.

« Aýdandar boıynsha, eldi mekenderde shóp shabý brıgadalaryn qurý qajet. Osy eki kún ishinde barlyq aýdannyń jaǵdaımen tanysyp jedel sheshýdi qajet etetin máselelerdi saralaıtyn bolamyz «, - dedi Aýyl sharýashylyǵy mınıstriniń mindetin atqarýshy.

Kelesi kúni Jalaǵash, Syrdarııa, Shıeli jáne Jańaqorǵan aýdandaryn aralap, aýyl sharýashylyǵy taýaryn óndirýshilermen kezdesedi. Olardyń búgingi tynys-tirshiligimen tanysyp, ótinish-tilekterin de tyńdaıdy.

Aıta keteıik, bıyl naýryz-sáýir aılarynda elimizdiń ońtústigi men batys oblystarynyń basym bóliginde kóktemgi jaýyn-shashyn normadan az túsip, aýa temperatýrasy joǵary bolǵany belgili. Sonyń saldarynan uzaq jyldan beri bolmaǵan qurǵaqshylyq mal sharýashylyǵyna aýyr tıdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT