+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Qýandyq Bıshimbaev óz kinásin tolyq moıyndady – komıtet

2019 jylǵy 11 qazan 17:13
Bólisińiz:
Qýandyq Bıshimbaev óz kinásin tolyq moıyndady – komıtet

NUR-SULTAN. QazAqparat – QR ІІM Qylmystyq atqarý júıesi komıteti burynǵy ulttyq ekonomıka mınıstri Qýandyq Bıshimbaevtiń bostandyqqa shyǵýyn túsindirdi, dep habarlaıdy QazAqparat.

Uqsas jańalyqtar

«2019 jyldyń 25 qyrkúıeginde Shymkent qalasy Abaı aýdandyq soty Q. Bıshimbaevty merziminen buryn shartty túrde bosatý týraly ótinishhatty qarady jáne qanaǵattandyrdy. Sot sheshimi 2019 jyldyń 11 qazanynda kúshine engen. Buǵan deıin Q. Bıshimbaev raqymshylyq jasaýdy ótinip, Memleket basshysyna júgingen edi. 2019 jyldyń aqpanynda bul ótinish jaza merzimin qysqartý túrinde maquldanǵan», - dep habarlady QR ІІM QAJ komıtetiniń baspasóz qyzmeti.

Merziminen buryn shartty túrde bosatý týraly ótinishti qaraý kezinde sottalýshynyń abaqtydaǵy minez-qulqy, kinásin tolyq moıyndaýy syndy bas bostandyǵynan aıyrýdy qajet etpeıtinin kórsetetin jaǵdaılar eskeriledi.

«Qýandyq Bıshimbaev óz aıybyn tolyq moıyndaǵan jáne ókinish bildirgen. Sot taǵaıyndaǵan ótemaqyny tólegen. Jazasyn óteý barysynda Q. Bıshimbaev ózin baıypty ustaǵan jáne mádenı sharalarǵa belsene qatysqan. Jazanyń qalǵan bóligin eks-mınıstr probatsııalyq baqylaýda óteıdi», - delingen habarlamada.

Aıta keteıik, búgin Shymkent qalasynyń túrmesinde jazasyn ótep jatqan Qýandyq Bıshimbaev bostandyqqa shyqty. 2019 jyly 13 aqpanda sottalýshy Qýandyq Bıshimbaev Prezıdent jarlyǵymen raqymshylyqqa ilinip, jazasyn óteý merzimi 10 jyldan 4 jylǵa qysqarǵan. Búginde jazasynyń úshten eki bóligin ótep qoıǵan. 167/3 túzeý mekemesiniń basshylyǵy oǵan jaqsy minezdeme bergen.

Eske sala ketsek, ótken jyldyń naýryz aıynda burynǵy ulttyq ekonomıka mınıstri men osy iske qatysty ózge de aıyptalýshylarǵa úkim shyqqan edi. Sot úkimimen Qýandyq Bıshimbaevtiń múlki tárkilenip, 10 jylǵa sottaldy. Sonymen birge, ol ómir boıyna memlekettik qyzmette jumys isteý quqyǵynan aıyryldy . Bıylǵy 4 qańtar kúni Qýandyq Bıshimbaev Shymkenttegi qaýipsizdigi ortasha túzeý mekemesine aýystyrylǵan bolatyn .

Bizdiń kanalymyzǵa jazylyńyz:

Basty sózder: Sot, Zań,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT