+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

QTJ aldaǵy jylý berý maýsymyna oraı kómir tasymaldaýdy bastady

2021 jylǵy 22 shilde 20:30
Bólisińiz:
QTJ aldaǵy jylý berý maýsymyna oraı kómir tasymaldaýdy bastady

NUR-SULTAN. QazAqparat - Búgin «QTJ» UK» AQ bas keńsesinde temirjolshylar men kómir tasymaldaýshylar kezdesip, aldaǵy jylý maýsymyna baılanysty týyndaıtyn ózekti máselelerdi talqylady, dep habarlaıdy QazAqparat atalǵan kompanııanyń baspasóz qyzmetine silteme jasaı otyryp.

Uqsas jańalyqtar
Barlyq óńirde kómir tapshylyǵy bolmaıdy - Atamqulov Halyqqa satylatyn kómir baǵasynyń zańsyz ósýine jol bermeý kerek - Atamqulov Bıyl kómir baǵasy qansha bolady

«QTJ» UK» AQ Basqarma Tóraǵasy Nurlan Saýranbaevtyń tóraǵalyǵymen ótken keńeske energetıka mınıstrligi, ındýstrııa jáne ınfraqurylymdyq damý mınıstrligi, Básekelestikti qorǵaý jáne damytý agenttigi ókilderi jááne iri kólemde kómir tasymaldaýshylar qatysty.

Osy jylǵy alty aıda shoıyn jol arqyly 51,5 mln tonna tas kómir tasymaldanǵan. Bul ótken jylmen salystyrǵanda 4% kóp. Onyń ishinde otandyq tutynýshylarǵa 36,3 mln. tonna jetkizilgen. Salystyrmaly túrde alǵanda bul byltyrǵy kórsetkishten 9% joǵary. Al, eksportqa 15,2 mln tonna kómir jóneltildi.

«Eki máselege basa nazar aýdarǵym keledi. Birinshisi, jyl boıy kómirdiń birkelki tıelýi jáne tamyzdan bastap otyn túriniń satyp alyna bastaýy. Bul jumys reti tıimdiligin kórsetip qana qoımaı, kúzgi-qysqy maýsymda kólik tapshylyǵyna urynbaýǵa septigin tıgizdi. Sondyqtan barlyq múddeli toptyń osy qaǵıdany berik ustanǵany abzal. Ekinshisi, «Qaztemirtrans» AQ ózge de menshik ıeleri sekildi naryqta jumys istep jatyr. Osyǵan baılanysty júk jóneltýshilerdiń tasymaldanatyn kómirdi kólikpen qamtamasyz etý jaǵyna barlyq menshik ıelerimen aldyn ala kelisip alǵany jón», - dedi «QTJ»KI» AQ Basqarma Tóraǵasynyń júk qozǵalysy jónindegi orynbasary mindetin atqarýshy Oralhan Qulaq.

Qazaqstan aýmaǵynda 63 myńnan astam ashyq vagon (polývagon) bar, olardyń 40 myńnan astamy - QR jeke menshik ıeleri men kórshi memleketter vagon operatorlarynyń balansynda.

Keńes qorytyndysy boıynsha osy jyldyń 1 tamyzyna deıin QTJ-da kómir tasymaldaý máseleleri jónindegi shtab jumysyn uıymdastyrý týraly sheshim qabyldandy.


Bizdiń kanalymyzǵa jazylyńyz:

#QTJ   #Energetıka  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT